ملتقى طلاب وطالبات جامعة الملك فيصل,جامعة الدمام - عرض مشاركة واحدة

بحـر الكـلام · 2013- 5- 23

اقتباس:

المشاركة الأصلية كتبت بواسطة اخت مصطفى

هههههههههههههه انا اتذكر كم واحده اقسم بالله يمكن خمس دقائق وهم يناظرون بالسقف

لدرجة أني شكيت بنفسي

اثاريهم غسلوا

لما جيت اعبي البيانات حطت المراقبه الأسئله وعلى طول افتحها وكان نموذجي c وتصير عيني على سؤالين غريبه نسيت وش كانت

واقفل الورقه بسرعه وقلبي يدق وارجع اكمل بياناتي شوي افتح مره ثانيه واقفل صرت نفسيه من الخلعه والتهديد

ورحت اقرأ الأسئله وجت المراقبه تشوف بياناتي لقتني كاتبه ارقام ومضلله نصها

وبعضها مضلله ومو كاتبه ارقام قالت الله يهديكم لازم كل مره ننبه عليكم تعبون بياناتكم

اول مره تصير معي

بس بصفه عامه الأسئله كانت صعبه على الطلاب يعني راوغ مرواغه

وواضح انه متحلف فينا

والحمدلله ركزت ويارب خير

اللي مضحكني بداية السمستر كنا نضحك ونقول الجامعه تهتم بصحتنا صحه ولياقه وحركات

هالحين جتنا امراض وعقد نفسيه وشد عصبي من مادة الأمراض المستعصيه

انا لما شفته كيف يرد ع البنات في المحاضرات المباشره غسلت ايدي

ماعنده اسلوووووب مره

الله يسعدك يالهجهوج انت والدكتور المتمكن خالد عطيه ايه وحق العقيده

انا باقولكم قصتي بلاختبار فالعاده انا اول مادخل الصف ,,,, اختار اول مكان علي الجدار نموذج a المهم اخترت النموذج وعبيت البيانات كامله وجانا المراقب ولد شباب ياحلييله يقول لنا عندكم صحه ولياقه شباب صح قلنا ايه يقول المراقب سهله جدا الماده هذي والشباب الي معي يقولون ايه سهله حيل ياطول العمر شكيت بنفسي وقتها قلت له لا ياطول العمر موسهله الماده صعبه قالي المراقب يابحر انت الوحيد من بين الطلاب الي تقول صعبه والكل يقول سهله وانا اقول بقلبي ياعمي ماتدري وشو بيصير خخخخخخخخخخخخخخخخخخخخ عطني الاسئله الله لايهينك وتصدق كلامي المهم المراقب راح فتح ورقه من الاسئله ويناظر فيها وعيونه كل شوي تكبر صارت مثل الفنجان خخخخخخخخخخخخخخخخخخخخخخخخخخخخخخخخخخخخخخخخخخ اااه يايطني طبعاا بدا وقت الاختبار والمفروض انه يوزع الاسئله قال المراقب السؤال الي عرفته الوحيد هو تعريف الادمان قلت له والله العظيم قبل ماشوف الاسئله ماقدر اجاوبك حاليا لازم اشوف الخيارات لاني متاكد وعلي يقين انه مغير الاجابات وجايب لف ودوران المهم وزع المراقب الاسئله الشباب الي يهايطون بالقاعه جلسوا لاخر الوقت خخخخخخخخخخخخخخخخخخخخخخخخخخخخخخخخخخخ اااه يابطني والله موقف مانساه المهم يوم سلمت ورقتي وانا طالع قالي المراقب الله يوفقك احلي كلمه سمعتها منه هذا المراقب المحترم بس ابين لكم انه حتي المراقب انصدم من الاسئله والله واحسه انحرج مني وقبل ماطلع من القاعه قلت له تدري ليه قلت لك صعبه قالي وشو القصه بحر قلت له الدكتور تراه مغير المحتوي قبل شهر من الاختبار والاسئله الي جاتنا الي قدامك اغلبها من خارج المحتوي والدكتور يتوعد فينا في المحاضرات المباشره قالي والله انك صادق