السلام عليكم

بدخل في الموضوع لأنه راح يطول هع

انا واعوذ بالله من كلمة انا مخلص كلية تقنية وابي اعرف المواد الى اقدر اعادلها
وكيف الطريقة بالضبط , وانا اطلعت على مواضيع معادلة المواد وبصراحة تشتت ذهني

ومثل ما تعرفون في مواد مسمياتها من الكلية التقنية وقريبة من اسماء مواد جامعه فيصل
فـــ ماني عارف ايش اعادل بي المواد

في مواضيع وردود تقول ارسل جميع موادك وهم يعادلون لك
وفي ناس قالت لا لازم انت تحدد بنفسك اسماء المواد الى تبي تعادلها لحسة مخ

وفي نأس قالت لابد كل مادة تعادلها تجيب لهم خطاب او ورقة معينه لهذي المادة من الكلية
بس هل هذي الورقة اجيبها بعد مايعادلون لي المواد والا من البداية ؟؟؟


واخيرأ انا راح ادخل ان شاء الله دراسة صيفية وعندي 3 مواد اقدر اختارهم
وماني عارف ايش اختار لأنه مثل ماتعرفون ابي اعادل مواد وخايف اختار مادة من مواد الصيفي ويطلع في الاخير اقدر اعادلها وخايف ما اختارها وتروح على في الصيفي

هذا جدول المواد الصيفي



Uploaded with ImageShack.us

وهذا اسماء المواد الى خلصتها في الكلية ودرجتها

مقدمة في الاحصاء عدد الساعات 2 الدرجة جيد جدأ

ثقافة اسلامية 1 عدد الساعات 2 الدرجة جيد

ثقافة اسلامية 2 عدد الساعات 2 الدرجة ممتاز

وعندي لغة انجليزية ادارية 1 ولغة انجليزية ادارية 2 عدد الساعات 3 ودرجتهم وحده ممتاز وحده جيد


الى ابيه منكم يا اخوان تعلموني كيف طريقة معادلة المواد بالضبط بالحرف بالشرح هع لنا بصراحه تشتت مخي والكل افتى لي بطريقة

ثانيأ ابي اعرف شنو اختار من 3 مواد الصيفية لنا مثل ما ذكرت سابقأ ممكن اقدر اعادل منهم وممكن ما اقدر فــ ابي الكلام الاكيد

تحياتي