|
رد: بادر الآن لا تفوت الفرصة.. الشكوى الرسمية الجماعية سيتم تسليمها إلي سعادة العميد
رائع مبدع خطيــر
جميل جدا خطاب متكامل ماشاء الله
لكن عندي رأي بخصوص اول بند
لو تم استبدال كلمه صعوبه الاسئله والفوارق
بطريقتك تقول بمعناه
بان المحتوى يختلف معلوماته عن المذكرة مما يسبب تشتت وغموض للطلاب
وان الاسئله اللي جات كانت هي اللي عليها الاختلاف
وما الهدف من وضع محتوى قديم .. ومذكرة جديدة .. وليه ماتم الشرح على المذكرة الجديدة
يعني بختصااااااار وش فايده الشرح والدخول على الموقع وتحميل المقاطع والتعليم عن بعد
اذا السالفه بيرمي علينا مذكرة ويقول هذا اللي يبي الامتياز يذاكرها
الا اذا هو مايعرف يشرح المذكرة
هل هالشي مستقصد .. ام لا ؟؟
كل ماتبدا بالاقوى يكون الخطاب اقوى
نسيت شي
يعني بعد كل هالخطاب وش مطالبك
يعني شخص قدم خطاب لازم يقول اطالب مثل بتعويض عن كل سؤال فيه اشكاليه بدرجتين 
مو بالنهايه يقطون لكم خمس درجات حق سؤالين ويقولون رضاوه عروس
|