((حيرة يتيم))
الله يادمعتآ من نون لعياني .. تذرف ع الخد ما تخفي غبينتها
دمعة يتيم ونظرت(ن) هم وأحزاني .. من عين طفل فقد امه وبسمتها
أشفقت من شوفته من يوم ماجاني .. مشتاق لحضان امه بعد ظمتها
ويقول ودي الاقيها وتلقاني .. ياعمي معاد اشوف امي وطلتها
من دونها صرت انا حيران متفاني .. وملابسي شوق منظرها وهيئتها
امي من اول ترتبها ع شاني .. واليوم معاد احد يقدر يرتبها
والعيد قرب وانا لازلت حيراني .. حتى متى انتظر امي وجيتها
ياعمي طول جفاها ليه تنساني .. ما يدري انها مدى الايام غيبتها
تلاعثم الحرف بلسانه وبلساني .. وشلون أجاوب سوالاته وحيرتها
وشلون لو قلتله بتعيش وحداني .. وامك بجوف القبر واللحد طولتها
والله تعبت وبكى قلبي وبكاني .. والعين من دمعته جات بدمعتها
الله ياقلبي المكنون عناني .. طفل(ن) يعاني من الدنيا وضيقتها
طفل(ن) تيتم وعاش العمر حرماني .. فارق حنان الامومه في بدايتها
ياباغي الخير أقبل جود بيماني .. وامسح دموع اليتاما فوق وجنتها
وأبشر بفضل(ن) من الله خير وأحساني .. والنور في الاخرهـ تهنى بجنتها