يا زينها المدونة هي مفتوحه موب اول اجلس اطلع عليها من الدريشة
بخاطري انفض الغبرة وما اقدر
على طاري انفض الغبره وما اقدر
تذكرت بيتنا بالديره كان بيت شعبي
كل غرفة بوادي وقرر ابوي يسويه بيت مسلح < كذا يسمونه عندنا
وبنا البيت بنص الحوش اتذكر يوم كان البيت عظم كنت الوحيده اللي اقدر
انط داخل البيت مع الشبابيك وفتحات المكيفات اتوقع وقتها كنت صف رابع او خامس
بعدين خربوا علي عظمتي
عيال جدي وغلبوني وصاروا يدخلون مع فتحات المراوح
مع انهم شوي مربربين واجسامهم كبيرة والفتحه صغيرة
يوم شبكوا الشبابيك وركبوا الابواب ابوي كان يقفل الابواب
وانا اجلس اناظر مع الشباك ابي ادخل والعب داخل
كنت اتمنى اتفرعن مثل عيال جدي وادخل مع فتحة مروحة المطبخ
بس المروحة معلقة عند المكيف يعني وش يطلعني منها بعدين
وانا اخبر اول كنت عقلة الاصبع ما اطول فتحة الشباك الا اذا احد شالني هههههههه