الجزء الثامن//
سامي:يبي يخطبك قصدي يبي يتزوجك..
وفاء تضحك:ههههههههههههههههه الله يعينه بس ويعينك
ريم من غير سابق انذار ومن غير أي تردد:بس انا موافقه وأبيه
سامي بدهشه//نعم!!!!
ريم وهي تعدل اضافرها"/قلت لكم ابيه ليه وش فيكم مستغربين خطبني وانا بوافق وش فيها ولاعلشانه بس متعقد بذنب ماقترفه
وفاء قامت من مكانها تمسك راسها مو مصدقه:ريم لاتضيعين حياتك علشانك متعاطفه معه.
سامي رفع يده مستسلم:انا مالي شغل تفاهمي مع امي وابوي كيفكم
طلع سامي وهو مرتاح مو هامه شئ لانه متأكد اب ابوه
وابوسعود مو موافق وام ريم نفس الشئ مستحيل يوافقون اكيد انا ليه بعذب نفسي بالتفكير على ولاشئ...
يدق الجوال بيد سامي
ياصاحبي وش فيك قاعد لحالك
قرأ الاسم الحلا كله
سامي ضرب راسه يالله نسيت جوال وفاء معي اكيد ذي ايمان هين يايمانوه راح لغرفة وفاء وريم
سامي:وفاء جوالك ذي ايماااان اكيد بعد متحلمه بسلطان
وفاء قامت مفزوعه:سلطان مين قالك..
سامي ابتسم بخبث وطلع
وفاء ترد ببرود:هلا
ايمان:يامرحبتين اشتقت لك يالغلا
وفاء:وانا اكثر اخبارك شلونك
ريم ومادراك ماريم تفكر بالسعود تتذكر حفل نجاح العنود وش صار فيه
كانت ريم اول المعزومات بالحفل ومستاااانسه حيل شعللت الحفل هي وإيمان بالرقصات الشرقيه والضحك والتصفيق وفجائه يسمعون صرخات وتشوف ريم وجه العنود كان بارد اسود من الخوف وحاطه يدها على راسها هول المصيبه والكل مستغرب مين الى يصارخ صراخ رجال مو بنت المسكينه العنود ماتحملت صراخ وعذاب اخوها وال***** قدام صديقاتها الكل كان خايف ماتحرك لكن ريم استجمعت كل قواها وتمشى لمصدر الصراخ تمشى صاحبة الفستان الاحمر المزعج والمكياج الهادئ وخصلات شعرها الاسود تتناثر عليها والفزع بعينيها ذات الون الاسود توقف لحظه عند الباب الذي يصدر من صراخ رجل وشتائم رجل آخر من غير شعور فتحت الباب بكل جرائه وتنظر الى الرجل الملقى على الكنبه المرتفعه والاخر يضربه بحزام حديدي والدم ينزف من سعود وعيناه الخائفه التي تنظر الى الاب بتوسل
لحظه وقفت ريم لحظه معقول رجال بذا العمر مايقدر يدافع عن نفسه آهااا كيف بيقاوم والى قدامه ماعطاه فرصه
الضرب يزداد من غير شعور ركضت ريم عند ابوتركي ومسكت ورماها في الارض من غير مايشوف ولايلقى نظره عليها ويزداد الضرب بعنف كأنها تزيده شحن وقوه قامت ريم بكل شجاعه وقلبها ينبض مليون مره من الخوف
ريم وقفت بين ابوتركي وسعود كأنها تحميه ماتدري ليه بس لسبب واحد انها تعاطفت معه لازم تتعاطف معه يدعى للشفقه ابو تركي يضربها وهي مو هامها وسعود خلفها
ريم:الله يخليك خله حرام عليك
ابوتركي انتبه انها موبنته العنود ناظر لها وطلع بسرعه
ريم نزلت راسها التفت لورا انتبهت ان فيه احد ناظرت له الدم مغطي بشرته والتعب منهكه لكن سحرتها نظراته
فيه شئ مو عاجبه فيه انه مادافع عن نفسه
ريم بصوت هادئ ومرتجف وخجول :دافع عن نفسك لاتصير ضعيف
سعود يناظر للملاك الى قدامه مو مصدق ان فيه بنت بذا الجمال والجاذبيه والشجاعه سلبت منه قلبه مايدري هل هو اعجاب اولأنه اول مره يشوف احد يوقف ابوه عند حده او لانها كانت معه ساعدته من الجحيم الى قدامه صحيح مو كلها قوه بس لانها ضحت بنفسها علشان غيرها وقفت قدام شيطان
ماتدري ريم ليش وافقت له لانها دايما تفكر فيه ولا لانها متعاطفه معه تتذكر كلام العنود لها
الريم :مافيه انسان حياته كلها حزينه لازم يكون فيها لو شوية فرح
العنود:الا اخوي سعود وربي ان حياته كلها تعاسه مستحيل يمر اسبوع الاوينضرب
ريم:هو الى بالحفل...
العنود بحزن لانها ماتبي احد يذكرها الى صار:ايه هو
ريم:ليه طيب
العنود:والله ماذكر ان فيه سبب كلها من غير سبب او زله بسيطه من غير شعور اصلن اذا ابوي جاء تلقينه يتخبى بغرفه ولا بأقرب زوايه يختفى
ريم:كيف تعامل ابوك معه يعني عمره جلس معه طلب منه شئ
العنود:يصحيه من النوم من غير سبب يزعجه يقول جيب كذا وكذا الى يتعب واحيانا ينام وهو جالس لانه مهدود
ريم:طيب ليه مايدافع عن نفسه
العنود:لان ماعنده شخصيه ابوي من صغره وهو يعذبه الى صار مايقدر يقاوم
ريم:مادري وش اقول
العنود:قولي الله يسعده
ريم:الله يسعده ياليت بيدي شئ والله ماقصر معه
العنود بنظرات خجل:بقولك شئ وماتزعلين
ريم:قولي؟؟؟؟
العنود :يحبك لدرجة الجنون ماتتخيلين كيف متعلق فيك..
ريم باستغراب:والله!!!
العنود:اسفه ماكنت بقولك لكن جنني كل مره ابي اخطبها احبها مابي الا هي...
ريم تناظر باسغراب
العنود:يالله نروح بس نغير السالفه ادري ضيقت خلقك انا قلت له مستحيل توافق لكن هو مُصر لو يسوي المستحيل علشان ياخذك
ريم تفكر بعمق:حرام لازم اخذه لو ايش مابي الاهو اقدر اغيره صحيح صفه مو زينه بس مو منه وش ذنبه اذا الزمن خلاه كذا ياكثر الى لهم شخصيه وعاملو زوجاتهم اسوأ المعاملات ابيه يعني ابيه انا ليه متعلقه فيه مممم يمكن احبه
الا احبه مو متعاطفه معه..
أيمان خلصت من مكالمة وفاء الى مالمحت حتى التلميح عن علاقتها مع سلطان ولاقالت ان الحلم له تفسير اكيد لانها ضد ذا المبدأ ولانها ماتبي تغير نظرة الناس لها وحتى وفاء ماقالت لأيمان عن كلمة سامي !!!
إيمان حست الدنيا تدور فيها ماتدري وش تسوي ضايق خلقها ماتدري وش مصيرها خايفه منه ايه انا مالي الا اروح للسوق اجيب اغراض واغير هواء بس قبل بشوف المنتدى وهي مو قصدها تشوف المنتدى تبي تشوف أشتاق لك فيه اولأ بس تخدع نفسها إيمان تسمع صوت احمد وهو يتكلم وحاط سبيكر
احمد:ياهلا وغلا بالغلا كله اخبارك حبيبتي..
سماهر:الحمدلله بخير قلبي وانت اخبارك
احمد:مو زين الابعد ماسمعت صوتك
سماهر:ان شاء الله بتسمعه حبيبي دوم بس انت عطني فرصه
احمد:هههههه حبيتي اللحين صاحبي جاء يالله مع السلامه
سماهر بدلع:باي حبيبي بس لاتنسى كلمني باي
ايمان تسمع وتكلم نفسها:الا يانصاب أي صاحب عندك وانت بالغرفه لحالك شكل ذا السلطان حوبة هالبنات الى يلعب عليهم احمد هذا وهو يموت بتراب وفاء مالت عليكم من شباب محتالين..
سعود:العنود يالله ابي ريم مافيه ابيها يعني ابيها والله احبها
العنود:اوف ترا والله مليت انت قل لابوي يخطبها من ابوها واكيد بيوافق وان شاء الله توافق الريم
سعود:بس ابي مستحيل يوافق..
العنود:وليه مايوافق؟؟انت جرب
سعود استحى يقول اخاف قام:وقال بروح اقوله الله يهون بس
العنود:آمين عليك وعلينا..
يفتح الباب الكبير رجال وسيم وبيده شنطة سفر ووراه عجوز تتبعه وهي تصارخ:جيب عيالي ابي اشوفه الله يخليك ابي اشوفهم عيالي لازم اشوفه ابيهم ابيهممممممم(ترمي روحها بالارض لان الى تتبعه مو معطيها وجه
تركي:السلااااام عليكم
العنود تقوم وتتصنع الابتسامه:ياهلا وغلا بتركي
سعود بعد نفس العنود:وعليكم السلام هلا
تركي:اخباركم وين ابوي يأنا اشتقت له موووت
سعود:فوق بس الله جابك لي بطلبك ياتركي نخيتك
تركي استغرب:اطلب وش فيه؟؟
سعود:انت تدري ابوي مايرفض لك طلب وانا !!!(نزل راسه بإنكسار
تركي:خلاص ولايهمك اعتبره مواااااااافق
سعود رفع راسه وضحك بوناسه كأنه مالك الدنيا كلها وراح بسرعه يبوس راس ويد اخوه
كسر خاطر العنود دمعت عينها اول مره تشوف سعود يضحك من قلب اول مره يستانس ماعمرها شافت الا يبكي مع ان الغريب بكاء الرجل مو ضحكته!!!!!!
ايمان رجعت للبيت وهي لابسه العباه طلعت الابجوره بسرعه وحطتها فوق الكمدينه
ايمان مستانسه:ياهوووووووه اخيرا بترجع الحياه لغرفتي
ام ايمان:طيب عندك الابجوره الثانيه لازم ثنتين
ايمان:اكييد هذا اذا مو ثلاث هههههههه
ام ايمان:مجنونه وبنجن زياده اذا جلست معك
ايمان:مًامًا والله ماتقوم تجلسين معي بجد طفشاااانه مليت من كل شئ احس بحزن فضيع عمي يمه حلمت اليوم فيه يناديني يقولي مشتاق لك يايمان تعالي عندي
ام ايمان:تصدقي اكيد هو بحاجه لك
ايمان:واذا تصدقت وش يصير؟؟
ام ايمان:تروح الاحلام ويزيد له اجر لك وله
ايمان:لااااا اجل مو متصدقه
ام ايمان:وجع ليه؟؟
ايمان بنظرات حزن:مابيه يروح عني ابيه انا انحرمت منه بالدنيا خليني اشوفه بالحلم ابيه
ام ايمان:طيب صلي اخر الليل بيكتب اجر له
ايمان تمسح دمعه متمرده:يماه متى اموت ابي انتحر ابي اموت
ام ايمان تقوم وتصارخ بوجه ايمان:متخلفه ضعيفة ايمان وانا غلطانه اني اجلس معك
ايمان:بس يماه بيار روفايل يقول اذا انا مت بشوف الروح الى احبه وماحب الا عمي
ام احمد:اعقلي اقري قرآن ولاتخلين للشيطان مجال عمك ميت من اربع سنين مو من اربع ايام عياله نسوه وانتي تحلمين فيه وتتذكرينه لاتفكرين فيه لانه مات ادعي له محتاج لدعواتك
ايمان تبكي بقوه وتطلع من الغرفه..
احمد يمر بجنبها يناظر لها بأستغراب:وش فيها ذي وش فيك ايمان
احمد يمسكها بقوه:شفيك؟؟
ايمان تناظر له:عمي ابراهيم مات!!
احمد استغرب!!:وتوك تدرين ميت من اربع سنين شفيك انتي مو صاحيه!!
ايمان تبعد يدها بقوه عنه وتروح لمطبخ وتقفل الباب وهي تبكي وكأنها اللحين الى سامعه الخبر..((لاوصيكم ادعو لعم ايمان بالرحمه ترا ذي القصه حقيقه مو خيال))
تركي بطرق اقناع:ايه احسن يايبه نفتك منه ومن وجوده خله وبعدين كلها كم يوم ويوم ابو ريم ونقدر نسيطر على الاراضي التجاريه ولانسيت يبه !!!
ابو سعود يفكر:نفتك منه لااااا يجلس قدام عيونا مو بعدين تقدر تسيطر عليه بنت عبدالرحمنوه خلاص نخطب له وبنخلي الملكه بعد اسبوع اذا وافقو علشان نقدر نتدارك الوضع تعرف عبدالرحمن فيه كل الامراض ضغط سكر بس متى تبي نخطبها واسمع بعد مهر خرابيط ماعندي
تركي:الله يهديك يبه كيف اجل بيتزوج حتى الوظيفه ماعنده ولو توظف مايقدر ياخذ قرض
ابوسعود:خلاص اوظفه بالشركه والى بعطيه يرده ريال ريال هاذا ماخذت الدبل
سعود يتسمع من وراء الباب مايقدر ينتظر الاخبار توصل له
طار لغرفة العنود وهو يضحك مستانس:وافق وافق
العنود جالسه تقرا وتناظر لاخوها وهي مبسطوه وتتمنى ان ربي يتمم على خير لان عمره مافرح وبراسها ان فرحته لازم تخرب وماراح تكتمل:الف الف مبروك عقبال موافقة العروس واشوفك احلى عريس بالدنيا
سعود مافي احد بالدنيا مستانس بقد وناسته:الله يبارك فيك وعقبالك
ايمان تفتح المنتدى والماسنجر بعد مارسلت اول محادثه للعنود الى انصدمت بعد ماعرفت وتناظر وتشوف اشتاق لك متصل ابتسمت من غير شعور تزايدت نبضات قلبها فكت الحظر عنه ..الساعه7 صباااااح
اشتاق لك///
صباح الخير
ايمي//
اهلين صبااحك عسل<<عيب
اشتاق لك
ههههههه اخبارك
ايمي//
ممممممم انا زينه بسألك الى وين بتوصل علاقتنا؟؟؟؟
اشتاق لك//
يعني كيف
ايمي//
يعني نهايه معتاده ولازواج
((ايمان كتبتها بكل جرائه مع انها ضد الزواج الا انها تبيه يتكلم))
اشتاق لك//
اذا ربي كاتب لنا نصيب وش الى بيمنع واذا ماكتب عاد وش بيدي..
ايمي///
انا اكره الزواج ...
اشتاق لك//
ليييه؟؟
ايمي//
لانه بداية حرب بداية مشاكل مافيه وحده بتتزوج سعيده وحتى الرجال مايتزوج ويعيش سعيد..
اشتاق لك//
اكيد قلتي ذا الكلام لان صارلك موقف بس بالعكس ذي فكره اخذتها غلط على حسب التصرفات والمعامله!!
ايمي//
مافيه وحده اعرفها متزوجه سعيده ولافيه حب ناجح كل الحب من طرف كلهم يكذبون
ايمان تتكلم كأنها تكلم انسان عاشرته او كأنها بالاصح تكلم نفسها
اشتاق لك//
ليه يكذبون؟؟؟
ايمي//
بالله عليك انت لو حبيت بتوفي اذا انت وفيت هي ماراح توفي
اشتاق لك//
كيف؟؟
ايمي//
كأن الى الخيانه بذا الوقت انجاز عظيم يتفاخر فيه الى متى؟؟
اشتاق لك//
بالعكس انتي ليه تفكيرك سلبي ليه متشائمه
ايمي//
اللحين انت ليه اخذت ايميلي مو علشان نتعرف واتعلق فيك وتتركني
اشتاق لك//
؟؟؟؟؟؟؟؟
ايمي//
!!!!!!!!!!!!!
اشتاق لك//
بقولك شئ اتركي اليأس تفائلي انا لاحظت من كلامك في المنتدى انك متعلقه في عمك كثير ليه تتذكرين الماضي حاولي تنسين ترا بعدين تندمين لانك عايشه بالماضي ماتفكرين بالمستقبل
ايمي//
بس انا مشتاقه لعمي دايما يزورني بأحلامي
اشتاق لك//
الله يرحمه
ايمي//
آمين
ايمي//
مادري ليه انا اثق فيك ثقه بحياتي ماعطيتها احد
اشتاق لك//
ليه
ايمي//
لان باين انك ملتزم مو مثل شباب اليوم
اشتاق لك//
شكرا انك عطيتني ثقتك وبذا الايام تفقد الثقه
ايمي//
برب لحظه
ايمي//
هلا عنوده المقروده
العنود//
وجع بسألك كيف عرف اسمك انه ايمان
ايمي//
هههههههههههههههه بالمنتدى فيه اسأله واجاوب بصراحه وبعدين نكي ايمي واضح
العنود//
احس انه عارف عنك كل شئ
ايمي//
تدرين احس اني ميته خوف تصدقين وربي لي يومين ماكلت ولاشربت ولانمت انتظر الصبح علشان اشوفه
العنود//
لاياشيخه امداك تحبينه؟؟
ايمي//
مادري احس اني منحرجه منه لانه محترم في المنتدى وحبوب تدرين خايفه احمد او ابوي وامي يدرون
العنود//
طيب قولي له مابيك معي بحذفك وطنشيه
ايمي///
ماااااااااااااقدر انا احذفه لكن اذا شفته موجود بالمنتدى علطول افتح ومادخل النت الا علشانه يابنت الناس اقري مواضيعه باين ناضج غير عن الباقين
العنود//
قلتهاا قبل والحب اعمى بس ذي ثالث محادثه لك اتركيه مو تتعلقين فيه
تنزل دموعه ايمان
ايمي//
ماقدر برب امي تناديني للفطور يالله بااي
العنود//
الله يعينك بااااااي
ايمي//
قلبي بطلع
ايمي//
<<ثاني زلة لسان
اشتاق لك//
براحتك يالله مع السلامه احتمال ماشوفك بكره
ايمي//
لييييييييييييييييييييه؟؟؟؟؟؟
اشتاق لك//
هههههههههههه اعصابك يالمجنونه
ايمي//
ههههههه ليه دايما تقول مجنونه
اشتاق لك//
لانك مجنونه
ايمي//
هههههههههه خلاص بايو امي تناديني
وفاء وهي تنزل من الدرج بهدؤ:صباحو سامي
سامي وبيده الريموت يغيًر:صباح النور وش مقومك بدري
وفاء:ممممم مادري خايفه احس بخوف مادري ليه
سامي:وش فيك سلامات عسى ماشر
وفاء وباين عليها الخوف:لاماشر بس مادري خايفه احس بشئ بيصير
سامي:يصير لمين لاتخافين انا معك لاتشيلين هم انا وياك
وفاء:الله لايحرمني منك انا مادري لو انك مو اخوي مادري كيف بعيش
سامي:وش رايك نروح لكون زون نشري احلى آيس كريم
وفاء:الله على الصبح آيس كريم الاوش رايك نفطر بصحارى بس
سامي يفكر:والله فكره يالله تجهزي..
ابو سامي ينزل من غير نفس:سلام
وفاء:هلا يبه وعليكم السلام
سامي:صباح الخير يبه
ابوسامي ساااااكت
وفاء:تسمح يبه اروح مع سامي
ابوسامي بحمقيه وبنظرات شرارة نار:تروحين وين؟؟؟
سامي انقهر:حلوه تروح وين معي مو اختي
ابوسامي عصب:مااااااافيه رووحه تفهم ماتروح معك انت لسى صغير ياروح ماما!!
سامي جن من اسلوب ابوه:تروح يعني تروح يالله تجهزي ياوفاء
ابوسامي ارتفع ضغطه وافلتت كف يده على خد ولده الوحيد
سامي ارتفع راسه ويناظر لابوه بغضب
وفاء تبكي بصمت وحاطه يدها على فمها
سامي يناظر لاخته
وفاء تنبس بصوت غير مسموع:لاتروح الله يخليك لاتروح
ابوسامي:صحيح تربية شوراع..
سامي بعصبيه وصوت عالي:انسى تشوفني بعد اليوم
ابوسامي:بالي مايردك
سامي يناظر وفاءالمنهاره ويطلع
وفاء بصوت عالي:لااااااااتروووووووح تكفىىىى لاتروح
سامي طلع واخذ السياره ومشى بسرعه جنونيه ....