الاختبار المقالي لايمكن تصحيحة اليا وبالتالي اذا كانت الاعداد كبيرة لايمكنهم فرضه
سبب اختيارهم لطريقة الخيارات لانه من الممكن تصحيحها اليا
في طريقة اسهل من الخيارات وهي الصح والخطأ ممكن تصحيحها اليا ولو قام اي دكتور بوضع اختبار كله صح وخطأ ماتقدر الجامعة تقوله لا
ولو قام الدكتور بفرض الاختبار المقالي ماحد يقدر يقوله لا حتى العميد
بالتالي المسألة راجعة للدكتور وليست للعميد
مشكلتنا فاهمين الرئاسة والعمادة وحتى الادارة في كل مكان فاهمينها بثقافة الشيخ اللي يقدر يأمر وينهى بدون ماحد يعارضة
هذي الثقافة لازم تزول من مخيلتنا عشان نفهم كيف تسير الامور في الجامعة العميد مايقدر يفرض على الدكتور طريقة الاختبار ولا له سلطة عليه الدكتور مافي اسهل عنده من تقديم الاستقالة لان في جهات كثيرة تتمنى تلقى دكتور متفرغ وعادة تلقى الدكتور له اكثر من وضيفة وبالتالي ماهمه التدريس اذا كان راح يفرض عليه وش يسوي
لاحظت في الرسائل المرسلة للدكتور كثرة الاعتراض على المقالي وكان رد الدكتور من اول اجابة ( هذا شأن الدكتور ) ومع ذلك استمر السائل في طرح نفس السؤال اكثر من مرة ويحاول يقنع الدكتور انه مخطئ وفي كل مرة الدكتور يحاول يوضح ان المسألة هذي في يد الدكتور
الكل يبحث عن مصلحته الشخصية يبغى الشهادة عشان يتوظف او يترقى او يحسن من مستواه المعيشي حتى لو كانت هذي المصلحة ضد مصلحة مجتمعة
يهمني جدا تكون مخرجات التعليم عندنا ذو كفائة عالية عشان اشوف مسئولين في الدولة ذو كفاءات عالية ينعكس ادائهم ومهاراتهم على كل شي في البلد ، مثل هؤلاء المسئولين لايمكن يكونوا موجودين مع اختبار اختر وصح وخطأ