يطلع ذراعه خابر انه زين..
قصده يهيجّ شوقي الخافي
يربط به الشيله كحيل العين
قصده عذاب القلب واتلافي
والقلب والله مايلم اثنين
مخليه له مربع ومصيافي
وهوه عنيد مايعرف اللين
دايم يبي حقه هو الوافي
اسهر عيوني والملا ممسين
ما ينزعج.ريان الاطرافي
من باعني بالرخص بعته دين
وامحي الغرام المزمن الصافي
دارين ياترف القدم دارين
انك من اللي فيّ متعافي
يطلع ذراعه خابر انه زين
قصده يهيّج شوقي الخافي
_______
بن لعبـون