|
رد: اكبر تجمع لتغيير مسمى الشهاده الى التعليم عن بعد بدل الانتساب
اقتباس:
المشاركة الأصلية كتبت بواسطة rabbit
اخوي انت مستوى سابع او ثامن لو كنت مستوى ثامن بسكت وبقول لك الله يوفقك في اللي انت تبغاه لكن لو كنت مستوى سابع ايش معجلك ! خلي دفعه تتخرج قبلنا ونشوف تجربة شهادتهم ومسماهم عليهم ولما يجي الضرر علينا من حقنا الشكوى وخذها مني انا المستوى الجاي لي الثامن وبسهولة اقدر ارفض شهادة انتساب فقط وجميع الاثباتات في صالحنا لكن الوضع الان ما يستحمل انه نتكلم عن التعليم عن بعد !
الان خذ الكلام الرسمي اللي لازم تكون تعرفه /
مسمى الشهادة تعليم عن بعد :
عيوبه /
اسم الشهادة غير معترف فيه لغاية الان في وزارة الخدمة المدنية وسيب اي احد يقول لك ان وزارة الخدمة المدنية اعترفت فيه . وجميع اللي تقراه او تشوفه مجرد كلام جرايد وتصريحات نظاميا مايسوى ريال وجل قطاعات الدولة لم تعترف لغاية اليوم بمسمى الشهادة هذا .
مميزاته /
يعادل الانتظام في امور كثيرة واقوى من الانتساب وله مستقبل قادم وادخل في جدارة كأحد الخيارات لمسمى الشهادة ( رغم انه لم يعترف فيه بعد ) ولكن يوجد اتجاهات كبيرة بانه سيعترف به ( متى الله اعلم ) سنه سنتين والارجح خمس سنوات قادمة !
مسمى الشهادة انتساب :
عيوبه /
اقل من الانتظام وفي حال اعتماد التعليم عن بعد بشكل رسمي تصبح شهادة الانتساب من الدرجة الثالثة في الاهمية وتقل فرص التوظيف وغيره به . وصدر تصريح من وزير التعليم العالي في الصحف الرسمية انه خلال خمس سنوات سيتم الغاءه بشكل رسمي . ودفعة عام 2011 اخر دفعة تكون الشهادة بها انتساب اي ان التصريح خرج في عام 2011 ! وهذا يجعلني اعتقد ان التاخير في الاعتماد يعود لرغبتهم في انهاء الانتساب التقليدي اولاً قبل الاعتماد للتعليم عن بعد ليحل التعليم عن بعد كإنتساب متطور بدل الانتساب التقليدي .
مميزاته /
معتمد في وزارة الخدمة المدنية ومعتمد بشكل جزئي حالياً في وزارة التربية والتعليم وحاصل على اعتمادات في جميع القطاعات تقريبا . يخلو من بعض المشاكل المتعلقة بالبرامج عن بعد خصوصا في الجامعات الخارجية .
المقارنة /
ان تخرج الان طلاب بشهادة تعليم عن بعد ( فالشهادة لا قيمة لها فعلياً ) بدون اعتمادها بشكل رسمي في الخدمة المدنية وجميع قطاعات الدولة . ومن الواضح ان الاعتماد سيكون بعد الانتهاء من تخريج طلاب من الجامعة السعودية الالكترونية ( وانتهاء اخر دفعة تخرجت من الانتساب العادي ) يعني الاعتماد ممكن يمتد الى 2015 وربما اكثر ! ولو رجعنا للصحف الرسمية نلاقي كل سنه يجي تصريح انه ممكن يعتمد التعليم عن بعد قريب وهذا الكلام قبل سنتين واكثر نشوفه بإستمرار ومن اكثر من مسؤول .
نشوف الفيديو ذا
http://www.youtube.com/watch?v=azv_x-etqhm
وبالعودة للكثير من التصريحات نلاحظ اشكالية في اعتماد شهادات التعليم عن بعد وانا متردد خصوصا بعد سحب العميد ووكيل الجامعة من الجامعة التي كانت المرشح الاول بأن تكون شهادتها معتمدة عن بعد وهذا يجعل مسمى الشهادة عن بعد يتهاوي امام مسمى الشهادة انتساب .
اقيم مطالبتك الان ان كنت غير خريج حالياً بأنها تضيع جميع الطلاب معك . ممكن تشتكون لمدير الجامعة ومدير الجامعة ما يعرف على ايش تم قبولنا وايش اللي صار معنا ولا يعرف بطبيعة دراستنا وممكن يراسل العميد والعميد جديد وباقي مافهم الامور بشكل كامل وممكن يصدر مدير الجامعة قرار ارتجالي سريع ينهي الكلام هذا كله لكن وقتها تكون فرصنا تقلصت لما دون 10 % وصرنا نحتاج نلغي قرار مدير الجامعة من جهة خارج الجامعة وغيره ودخلتنا في متاهه مالها اي داعي .
انا ما احجر عليك بس حبيت اوضح لك الصورة عشان ما نندم بعدين فيه طلاب حاليا متخرجين هم احرص منا كلنا على مسمى الشهادة حقتهم لانهم على وشك استلامها واتوقع انهم مستعدين يتنازلون عن تعليم عن بعد مقابل الانتساب عشان يتوظفون ومعهم حق لان شهادة تعليم عن بعد غير معتمدة حالياً . اما الدفع التالية خلينا نشوف يمكن تعتمد الشهادة في الايام الجاية ووقتها نقدر نسوي الكثير لا تقلصون فرصنا والله اعلم بما فيه خيرنا .
|
شكرا ياعزيزي على مرورك ومعلوماتك القيمه لكن ياخوي مسمى التعليم عن بعد اقوى من الانتساب بمراحل اولا التعليم عن بعد معتمد واكبر دليل الدوله فتحت جامعه بكبرها للتعليم عن بعد ثانيا اللحين النظره التوجه للتعليم عن بعد بدل الانتساب وسوف يختفي مسمى الانتساب اما حكاية اني مستوى سابع فانا ياعزيزي اعرف المطالبات ماتتم في ليلة وضحها وانما يبغى لها وقت كافي للنظر فيها من قبل الجامعه
|