ملتقى طلاب وطالبات جامعة الملك فيصل,جامعة الدمام - عرض مشاركة واحدة - اكبر تجمع لتغيير مسمى الشهاده الى التعليم عن بعد بدل الانتساب

Rabbit · 2013- 5- 30

اقتباس:

المشاركة الأصلية كتبت بواسطة فتــــى مكـــه

شكرا ياعزيزي على مرورك ومعلوماتك القيمه لكن ياخوي مسمى التعليم عن بعد اقوى من الانتساب بمراحل اولا التعليم عن بعد معتمد واكبر دليل الدوله فتحت جامعه بكبرها للتعليم عن بعد ثانيا اللحين النظره التوجه للتعليم عن بعد بدل الانتساب وسوف يختفي مسمى الانتساب اما حكاية اني مستوى سابع فانا ياعزيزي اعرف المطالبات ماتتم في ليلة وضحها وانما يبغى لها وقت كافي للنظر فيها من قبل الجامعه

عزيزي والله اعرف انك تبحث عن الافضل لا تظن انه احنا نوافق ندخل محاضرات ونحل فالواجبات والمناقشات واخرتها تكون شهادتنا مثل اللي جاء وقت الاختبار واختبر من 100 .
لكن في نفس الوقت يوم الدولة بسنه والخوف نتخرج بتعليم عن بعد والموضوع يحتاج ان الملك بكبره يحل الموضوع بقرار منه مثل ماهو حاصل الان في موضوع الكليات الصحية !
اعطيني دليل ان التعليم عن بعد راح يعتمد خلال سنه وا سنتين او ثلاث وانا مستعد اقف معك في مطلبك !
بس فعلا انا خايف من وزارة التعليم العالي والخدمة المدنية لان لهم سنوات ويقولون التعليم عن بعد رائع ويثنون عليه ومأخرين ابو اعتماده للان ليش ! ايش ينتظرون !
خايفين انه يعتمدون التعليم عن بعد وتصير مشاكل كيف نوظفهم ذولا ؟
الانتساب راح يختفي انا معك لكن ما يختفي وفيه معلمين وموظفين الان شغالين في مناصب حكومية وشهادتهم انتساب . ماراح يختفي وفيه طلاب منتسبين في الجامعات للان ماتخرجو فإذا اختفى يكون بعد 5 سنوات او اكثر . وحتى لو اعتمد في الخدمة المدنية الان كم بيجلس عشان تعتمده قطاعات الدولة وتجي لك بعض القطاعات مدرعمة وتحط شروط واليات للقبول تستنثي التعليم عن بعد على بالهم ان حتى الاختبارات عن بعد .
فيه بعض الطلاب هنا لاحظت انهم مره مشدودين ولما يقرون شكوى ينزلون ارقام مدير الجامعة ويقولون تم الارسال اذا راسلو مدير الجامعة في اختباراتهم يبغونها موضوعية بدل مقالية كيف نعرف انهم ماراح يعتمدون على موضوعك ويرسلون له !
اخوي انت حتى لو حبيت تشتكي الضرر ماوقع عليك انت تشتكي على شيء سابق لأوانه يعني بتقول لهم سمعت ان الشهادة بتكون انتساب وانا ارفض ؟ ماتجي بالحيل .

بخصوص الجامعة عن بعد فتحتها الدولة كم باقي وتخرج طلاب منها ! اذا الجامعة للان ما اخذت اي اعتماد دولي ! يعني للان على البر تبحث عن اعتماد لنفسها خارجياً ! وهذا يعني تشديد بالقوانين وتقوية المقررات وامور كثيرة ويبقى السؤال متى يتخرجون طلابها ! بعد كم سنه سنتين ثلاث انت قلي !
الاعداد المتخرجة من التعليم عن بعد تخلع اي قطاع في الدولة وتخليه يوقف ابو الاعتماد عشان ما يجبر على التوظيف العدد المهول هذا كله وانا اشوف الانتساب اهون حالياً على الاقل عصفور باليد ولا عشرة على الشجرة .
لو اقتنعت بكلامي ياليت تطلب من المشرفين يقفلون الموضوع لانه فيه من بيجي بعد كلامنا ويقول نشتكي الى مدير الجامعة ووووو الخ وراح تشوف بنفسك .
ولو غير مقتنع بكلامي روح والقلب داعي لك بس تذكر ان الانتساب ضربته جدا اهون حالياً من ضربه عدم الاعتماد . ولو اعتمد بعد سنوات تخيل اعداد الطلاب تنافس مين ولا مين في الوظيفة ! اذا احنا نحرونا في تقوية الاسئلة والمقرارات وكنا فئران تجارب فيه غيرك بيخلو التعليم له سهل جدا جدا وشوف بنفسك كيف تعبنا في الدفعة الاولى والثانية وكيف سهاله الدفعات اللي بعدنا .
موفق يارب