المشاركة الأصلية كتبت بواسطة ms.solo

سجلت معي القضايا والفقه ببيع مكاني من يبيها

والله كان خاطري اخذها معكم لكن مالي نصيب بسبب المواصلات في المقام الاول

طبعا انا وحده ما احب اقعد فاضيه لا شغله ولا مشغلهالخرجات والتمشي كثير بدون هدف ما تعجبني

لي فتره طويله اخطط على مشروع والامور حلوه ولكن انتظر فترة الامتحانات تنتهي لاجل ابدا التطبيق

وخلال هالفتره انا فاضيه مره ومالي غير القراءه حبيبة قلبي

طرت على جرير اخذت الكتاب اللي قلت عليه فطومه ماجستير الاداره في 30 يوم

مره جميل جدا

برضو في كتاب انصحكم جدا جدا فيه اسمه

ادرس بذكاء وليس بجهد

جدا رائع اكتشفت اشياء كثيره كنت اسويها خطا وقت المذاكره وهذي الامور كانت تضيف جهد وارهاق فوق ارهاق الدراسه وهذا سبب اننا نفقد المعلومات اللي ذاكرناها لان العقل يبدا يرفضها مهما حاولنا

يشتمل على تمارين كثيره عمليه وليست مسائل فيه فرق هذي التمارين تحاول تطبقها خلال يومك العادي وتحتاج فتره لاجل تحصل على النتائج ويبدا مخك يشتغل بالطريقه السليمه

اشوف انه فترة الاجازه انسب وقت انك تستغله في تطبيق الكتاب بحيث تكون جاهز باذن الله بعد 3 شهور لاستقبال السمستر الجديد



برضو اطلعت على موادنا للتيرم القادم بصراحه انفجعت في البدايه حسيت دسمه

لكن كل ما تعمقت في كل ماده اكثر حسيت كذا انه حماس تحس بيدينك شي مو بس تلقين وحفظ شي تستمتع فيه فعلا ..وانت تدرسه <<< لاحد يصفقه لانه اشتغل المصطفى اللي بداخلها


مثل ما اتفقنا هولمز والي بنسوي صيفي خاص فينا اطلعت على الاداره الماليه ماده جميله

تحتاج انك تبدا فيها من بكير تفهم حبه حبه وتكون لك طريقه خاصه لاستيعابها تحتوي على مسائل

وتحتاج اطلاق رجل \امراة الاعمال بداخلك


عذرا على الاطاله هذا تقريري لاسبوعي الماضي وكيف قضيته

تمنياتي للجميع باجازه سعيده وبالتوفيق لكل من سجل صيفي