مشكور اخوي على الجهد المبذوول...
بس عندي تعقيب بسيط عن الكلية...
اولا انا اول مره اشوف كلية تغير نظامها الاساسي .؟!
يعني انا لمن دخلت عام 2003 درسنا سنه كامله تحضيري..
جاء عام 2004 وكان فيه الحوسه لعبوا بالطلاب والطالباتمره يقولون سنه ومره يقولون لهم ترم واحد تحضيري
2005 تغير مسمى الكلية من كلية العسكرية المتوسطة للعلوم الصحية بالظهران الى كلية الامير سلطان العسكرية للعلوم الصحية
ومن بعدها جاء عميد للكلية اللي هوو ياسر بابعير ( الله لايسامحه لا دنيا ولا اخره)
والكلية راحت وطي ....
صار التحضيري ترم واحد ومدة الدراسة سنتين ونص واحنا اكلناها 3 سنوات
غيروا الدكاتره من امريكان واسترالين وبريطانين الى مصارية واردنيين..!!!!!!!!!
غير كذا بدوا يلعبون بمنهج التدريس للأقسام واحد يزود وواحد ينقص..
والطلبه ماشاء الله كل يوم ينقصوون مابين طرد ومابين حرمان...
2006 زادوا عدد الطلاب والطالبات المقبولين بالكلية
كنا بالسابق 70 طالب و 20 طالبه فقط للاسنان والتمريض... وزي الحلاوة
هالحين زاد عدد الطلبه والطالبات وابتلشوا فيهم العسكر طايحين عند البنات تغزل
والطلاب حاشرينهم بالسكن من بعد ماكان لكل واحد غرفة لحاله صار هالحين كل اثنين بغرفه
وغير كذا صاروا يادووب يلحقون على الميز من كثر الطلبة وقل التموين...
ثانينا : انا اول مره اشوف كلية تاخذ منهج كندي وتطبقه على طلابها ووثمن يعطونهم شهادات اقل من الدراسة...
يعني قسم طب الطواريء يدرسون منهج بكالوريوس وكتب وش كبرهااا..
وبالنهاية يعطونهم دبلوم وعدد ساعاتهم 105 ساعه بالله عليكم مو ظلم ...
واللي امر من كذا شالوا مدرسينهم الكنديين وجابوا لهم بروفيسور مصري في الباطنية...
ابي اعرف وش جاب الطواريء للباطنية ...!!!!
وكله كوووم وقسم التنفسي والتخدير كووم
رئيسة اللي يعجبه ينجحه واللي مايعجبه يسقط الله لايهينه..
اما التخدير فهذا موضوعه لحاله هذا عالم من المفاجأت..!!
القسم الوحدي اللي بالكلية وماشي حاله قسم المختبرات
لانه صعب وكل اللي فيه ناس اوكيه...
اما من ناحية قسم الاسنان للبنات الله يعينهم على العجوز الصيني والله طلع عيونهم..
عموما انا طولت عليكم بس للأمانه وبكل صراحه الكلية لها مستقبل بارع وخيالي
لكن ادارة ماحولك احد يعني يظلمونك وانت ماتقدر تسوي شيء ...
هالحين عدد طلبة الدبلوم 138 طالب وعدد الطالبات 109 .. وراح اجيب لكم العدد المتبقي منهم بعد الترم الاول لانه راح يكون النصف.؟؟