2013- 6- 2
|
#3
|
|
أكـاديـمـي
|
رد: بحث التخرج لقسم الكيمياء
أول شيء مساء الخير..
ثاني شيء لمن تاخذين مادة البحث توكلي على الله ولاتحاتين حتى لو ماأخذتيها عند الدكتور اللي تبينه
سالفة ان فيه دكتور أحسن من دكتور لا ،، الوضع يعتمد على طبيعة وتجربة الدكتور >> أعذريني على الفلسفة نخش بالموضوع
أنا يوم جيت أسجل قلت ي باخذها عند د. رشدي أو د. إيهاب من كلام البنات عنهم خذو عند هالدكتورين لاتاخذون عند احد غيرهم
وتعرفين التسجيل ومشاكله ف تقفلت الشعب وأخذتها عند د. رفيق ..
المحاضرة الاولى كانت تعريفية فيه وبتخصصه ، تقسيم الدرجات ، وتقسيمه لنا ، لأن بهالموضوع يفرق من دكتور لدكتور آخر ، احنا قسمنا على بنتين بنتين ، وفيه دكاترة آخرين يبونه فردي ، وفيه مثل الدكتور كمال خلاه قروب خمس بنات يمكن..
تقسيم الدرجات كان 30 درجة إختبار ، و 70 درجة على البحث ،
القسم الاول اللي اهو 30 درجة كانت بيدين الدكتور . حسين جلال ف قسم الكيمياء كل اللي مسجلن مادة البحث يعطيهم الدكتور حسين تقريباً 4 إلى 5 محاضرات يتكلم فيها عن البحث وأهدافة أنواعه... إلخ وبعده يختبرنا فيه اختبار تحريري ب 30 درجة
القسم الثاني 70 درجة تكون بيد الدكتور اللي انتي سجلتي عنده ،، أنا مع الاسف ناسية بالضبط التقسيم بس اللي أذكره يكون على نشاطك معه ، وهم بعد انو تجيبين الاشياء بوقتها يعني يطلب مقدمة وتجيبينها الاسبوع الجاي ، ويمكن عشرين درجة كانت على بحثك بالاخير وانو مستوفي العناصر ، وكم درجة على مناقشتك للبحث ؟؟
ومناقشة البحث تكون بالأخير على نهاية السمستر قبل الاختبار بأسبوع أو أسبوعين ، يتم تحديد الوقت من قبل الدكتور وتكون بحضور دكتور أخر يحضر المناقشة ويسألك على اللي قدمتيه ،،
اللحين نجي لموضوع البحث :
موضوع البحث يعتمد أولاً على تخصص الدكتور ، فالدكتور رفيق تخصصه كيمياء تحليليه وعطانا ف المحاضرة ثلاثة مواضيع وقال اختارو منها وكله تخص الكيمياء التحليلية ،وإذا تبون موضوع من عندكم مايعترض اهو ،،
الدكتور رفيق جداً جداً ماشاءالله رائع رقي بالخلق وبالمعامله ساعدنا كثيرر بتقديم البحث بأفضل صورة ، بالحيل يسسر لنا المادة كان يساعدنا ويعطينا روابط نبحث فيها يعطينا مقالات وأخبار تخص موضوعنا
كان اجتماعنا فيه اسبوعياً متى ماأحتجناه طلبنا منه يجتمع معنا ،،
بالأخير يوم التسليم صحح الأخطاء وعدل عليها اهو وضاف ونقص اشياء من عنده عشان يكتمل ،،
وطبعاً عليك تجيبين نسختين النسخة الاصلية له ونسخة على شكل ملزمة للدكتور الأخر المناقش
في وقت المناقشة لاتتأزمين بالحيل اشياء بسيطة ويمشون الوضع يعني مايدققون بالحيل
احنا قدمناه على شكل فيديو واحنا ننخلص الاشياء اللي ذكرناها في البحث بشكل سريع بعدين تم سؤالنا سؤالين وقال خلاص فحفظ الله
ف نصيحتي لك كل دكاترة البحث يساعدون وبالحيل مافيه احد افضل من احد ، اللهم ان هذا يفعل كذا وهذا كذا
الدكاترة اللي يمدحونهم وصديقاتي خذو معهم غير د.رفيق
د. رشدي ، د. ايهاب ، د. أيمن زكي ، د.خلود السدحان ، د. أحلام العرفج
وفالكم التوفيق والتيسير لجميع آالامور وأعذريني على الاطالة ..
|
|
التعديل الأخير تم بواسطة fouz ; 2013- 6- 2 الساعة 07:30 PM
|
|
|
|