2013- 6- 3
|
#151
|
|
أكـاديـمـي ذهـبـي
|
رد: انتم قوم متذمرون ..!
.
.
سلآمآت يالغلآ ؟
البنت قالت رايهآ وانتم اكلتوهآ بقشورهآ
رد عليهآ بس بأدب
وش فلي من هون ؟
واذا تخرجت خلاص تنطرد من المنتدى مالها قعده فيه وهي اللي خدمتكم طول فتره دراستهآ ؟
هذا جزآهآ ؟
صدق جزاء المعروف عشر كفوفِ
هي مخلصه ووفيه جلست بالمنتدى وهو منتدى تعليمي بكل زاويه يتكلمون عن الدراسه مو منتدى وناسه
عشان كان لها ايام حلوه وعلاقات كويسه مع اغلب الاعضاء
مو مثل البعض تاخذ مصلحتها وتطلع
ابد ماحبيت هالرد اجل فلي من هون ؟
.
.
صحيح ندرس بفلوسنآ بس مايعني اننا بنمشي النظام على كيفنآ
الحاجه اللي اقول المفروض يتساهلون فيها لاننا دارسين بفلوسنا هي بعض النتايج
لان فيه شخص هنا حمل الماده وكان ناقصه بحدود 7 درجات هنا اقول المفروض يزيدونه ال7 درجات هذي وينجحونه
نقول حنا ندرس بفلوسنا مزح وطقطقه مادرينا ان فيه ناس من جدها تتكلم
.
.
حنا سجلنا بالجامعه وحنا عارفين نظامها من الاول للاخير
حنا داخلين هنا على اساس ان الاسئله 70 سؤال
تفآجأنآ انها صارت 50 بسبب البعض منكم وانا متأكده ان اللي يبون 70 سؤال اكثر من اللي يبون 50
ماشفنا موضوع تصويت 70 او 50 من الجامعه هذا ظلم صراحه المفروض مسوين تصويت 
وليه اصلا 50 سؤال ؟ عجزان تضلل ؟ تعبت من التضليل ؟
ليه حنا الآت ترانا بشر مثلك نتعب مثلك وال 50 سؤال فككت يديني بس في سبيل ان تقل الدرجه على السؤال الواحد اتحمل
عشان اجمع درجات اكثر لازم اتحمل
ياخي اتعب عادي ليه ماتتعب والا تبي دراسه بالساهل بدون تعب >>تحمست 
.
.
نظام الجامعه ومدري ايش
انا بالنسبه لي مااذكر واجهتني مشكله
مو معنى كلامي اني اقول الجامعه مافيها سلبيات ومدري ايش
يمكن فيها سلبيات كثير بس انا ماشفت هالشي
تعليق الموقع / تخيل الاف الطلاب بوقت واحد يغزون الموقع عشان يحملون ويطلعون النتايج ويسجلون تبونه يضحك لكم ويمشي معكم تمام ؟
الموقع مرتاع منكم غصب بيعلق ههههههههههه والله جد عليه ضغط لازم يعلق
.
.
المواضيع اللي مال ابو جدها الداعي اللي ينزلونها الاعضاء
سلآمآت يالغلآ ؟
تجي تقروشنا ليه ؟
تزاحم القسم علينآ ليه ؟
تبي تسأل ؟ افتح المواضيع واقراها وبتعرف اذا نزلت النتايج او لا
تبي تنزل موضوع يلا نبلعها لكن لاتكتب العنوان (نزلت النتايج خبر اكيد )وماشابهه من العناوين
ونجي حنا ندرعم للموضوع اخرتها الشيخ والبرنسيسه يسألون طلعت والا لا ؟  
حنا مثلك متوترين ونبي النتايج بس ياخي قدر نفسياتنا تراها دمار مثلك
واللحين جايين تغلطون على الجوري لانها قالت كلام صحيح خالف البعض منكم ؟
مااعجبك كلامها رد عليها باادب مو نص الموضوع يروح سبايب
خير ان شاء الله ترى حنا مايربطنا الا شاشه وكيبورد ليه نتهاوش ونقل ادبنا على بعض ؟
.
.
جوري اقضبي جوريه حمرا زي خدودك 
الف مبروك التخرج عؤبال الماستر والدختوراه 
الله يجزاك خير ويوفقك ويسعدك
بعض الهرجِ لآ تآخذين به ياخيهِ 
|
|
التعديل الأخير تم بواسطة العسجديه ; 2013- 6- 3 الساعة 03:09 PM
|
|
|
|