|
رد: الــشعــور الــيً تجــآهـكـَ حيــرً حــروف القــوافي.."مسـآحتكمً الشعرية"
جعل ربّي يبيّض وجهـك المستديـر
يوم منك العزيمه جـات فـي حلّهـا
مانبا لك خروف .. ولا نبا لك بعيـر
نعمـة الله علينـا ضافـي ٍ ظلّـهـا
كثّر الله خيرك وأنـت مافيـك خيـر
معرفتـك القديمـه فالبحـر بلّـهـا
ياخويّ المشالـح للمصالـح سفيـر
ألتفت للعلوم البيـض وأفطـنّ لهـا
دايم معزّبك يومـي بسلـك الحريـر
وإن لقالـه طراقـي .. تلّهـا تلّهـا
يجمع الشّعر والشعّار في جوف بيـر
والضوامـي تحامـي عنـه ويعلّهـا
مير ما كلّ سيـر ٍ بالمداهـن يسيـر
وأبـك حنـاّ رجـال ٍ ثابـت ٍ دلّهـا
بين مشلح طويل .. وبين مشلح قصير
مانعبـد البشـوت ولا نهلـلّ لـهـا
معك أمانـه تبلّغـه السـلام الكثيـر
ودلّتـه عـن جنابـي قلّـه يزلّـهـا
وصّله بيت واحد من صميم الضميـر
يكفـي عـن البيـوت الباقيـه كلّهـا
والله أنّي ما أذمّك يـا سمـو الأميـر
مير بعض المدايح منـت كفـوّ لّهـا
> سداح العتيبي <
|