|
رد: :: درس :: أنتِ و قَهوتي , كلاكُما تتشابهانِ في حَلاوةِ المذاقِ , و مُرِ و سَوادِ الغيابِ ! # hershey's ##
بسم الله الرحمن الرحيم
السلام عليكم ورحمة الله وبركاته
ورشة صغيره بسيطة جداً بسيطة مافيها شئ زود بس حبيت اعرضها لكم وبالمره ابنزل معها درس عزل وتمويه نفس فكرة موضوعي الاخير لكن بشرحها بطريقتين مختلفتين وكل الطرق تؤدي الى القلب اووه قصدي روما
بسم الله نبدأ
اولاً هذه الصوره للورشه البسيطة
2 لوح فلين واحدة ارضيه وواحدة خلفية غطيتهم بقماش ساتان ستريج (( تراني مااستئذنت من امي بس ماقالت لي شئ تدري اني امشي واسحب في اغراضها وارجعها سليمة ))
المهم اخترت اللون البدني لان الكوب بني غامق والكاكاو وحلاة البني مع تدرجاته يعطي فخامة بالصور وحتى بالأثاث <<تحولنا الى الاثاث مو مشكله
طيب الآن نلقي نظرة على انتاج الورشة طبعاً بعد ادخال الصور للفوتو وتعديل الاضاءة لان ماكانت متوفرة بشكل جيد
كم اعشق هذا الكوب له معزه خاصه عندي لان اللي شاريه لي اخوي حبيب ئلبي الله يطلعه بالسلامه
والكاكاو هذا برضو اخوي شاريه لي بس هذا اخوي الكبير على اساس حبوب المذاكرة لكن بالدمام وماجاتني الا بعد ماخلصت اختبارات يلا مو مشكله للصيفي تدرون لها اسبوع مافتحتها كالعادة ماافتح الشئ الا اذا كنت مستعدة للتصوير عشان اصوره قبل الاكل
......
|