موقف مضحك شفته :

واحنا في فترة الاختبارات

بعد فترة من الاختبار

تكلم المراقب وقال >>> (( اللي خلص يقدر يطلع الان ))

البعض طلعوا مع تسليم أوراقهم طبعاً

فيه واحد رفع يده وقال للمراقب >>> (( أنا خلصت ياأستاذ ))

قاله المراقب >>> (( طيب تعال وسلم ورقتك عندي ))

قال الطالب >>> (( لا ياأستاذ أبغاها محتاجها ))

المراقب أنصدم من الاجابة وقاله >>> (( كيف ،،، مافهمتك وش تقصد ؟؟ ))

قال الطالب >>> (( ممكن أصور الاسئلة علشان أنزلها في المنتدى ))

قال المراقب >>> (( ليش تصورها ممنوع التصوير ))

قال الطالب >>> (( تكفى ياأستاذ عطيتهم وعد المنتدى والان ينتظروني فشيله ))

قال المراقب >>> (( لا ممنوع لانه الدكاتره بالجامعه من يشوفوا أسئلة مصوره في المنتدى

يهاوشونا ويعاتبونا ويقولوا ليش ماراقبتوهم مراقبه كويسه ))

قال الطالب >>> (( تكفى ياأستاذ معليش مشيها هالمره ))

قال المراقب >>> (( تبغى نصيحتي ؟؟ ))

قال الطالب >>> (( ايوا تفضل أبغى نصيحتك أكيد ))

قال المراقب >>> (( مره ثانيه اذا جيت بتصور لاتخبرني وصور بدون ماأعرف ))

قال الطالب >>> (( بس كيف أصور من الجوال وأنت واقف تراقبنا ومركز علي ))

قال المراقب >>> (( أنصحك تشتري قلم مع كاميرا يباع الان ولسه ماانتشر هالقلم

محد يعرفه حتى الان الا قليل مكان المساحه يكون فيها كاميرا صغيره والتصوير صافي مررره

ولما تروح البيت تركبها على يو اس بي بجهاز كمبيوترك وتطلع لك الصور واضح وضوح الشمس ))


والكل قام يضحك ضحك ماقدرنا نتحملها ونخبيها هالضحكه ،،، والمراقب معانا قام يضحك

وقال المراقب >>> (( صدقوني أخوي دكتور في أحدى الجامعات عنده هالقلم ويحتاجها لضرورة ))



بس صراحه هذا أحسن مراقب شفته من بين المراقبين ،،، البقيه لا بأس بهم

لكن هذا يتفوق عليهم الصراحه شبابي ومرح وعادي يسولف معاك على طبيعته



توتا توتا خلصت الحتوتا

حلوه والا فتفوته


ومسائكم أخضر


تحياتي لكم
أخوكم / فارس