*نسبتي في الثانويه العامه تقريباً 66 % هل يقبلوني انتساب؟؟
و عندي شهادة دبلوم حاسب بعد الثانويه ولها تقريبا اكثر من 5 او 6 سنوات
شهادتي هذي بتفيدني اذا انتسبت ولا لا ؟؟؟
يقبلون نسبتك واذا دبلوم حاسب اكاديمي ممكن يعادلون لك 15 ساعة حسب مقرراتك وتقديراتك


* اختبار القدرات اختبره ولا لا ؟ بالرغم اني خريجه من الثانويه من قبل تقريباً 6 سنوات ؟
القدرات غير مطلوب وتاريخ التخرج ليس له أي علاقة في القبول


* كم عدد المواد ؟ واسمائها ؟
عدد المواد والساعات المطلوبة للتخصص من اول سمستر إلى آخر سمستر موجودة في المرفقات


* كم النسبه المطلوبه لقبولي في الانتساب ؟
لا يوجد حد أدنى للقبول... الجامعة تقبل الجميع


* والافضل من ناحية الانتساب التقليدي ام المطور عن بعد ؟
جامعة الملك فيصل تمنح طلابها شهادة باكالوريوس انتساب مطور وهو أفضل من باكالورويس التعليم عن بعد لان الانتساب معتمد من وزارة الخدمة المدنية

* والغرض من الترم الصيفي ؟ هل اجباري اقدم او لا ؟ والفائده منه ؟
الترم الصيفي اختياري طبعا، والغرض منه تسجيل مقررات من المستويات المتقدمة بهدف تقليص عدد الساعات وبالتالي نتخرج من الجامعة بسرعة ونتخلص منها ومن غثاها

* وش المقصود بالتخصص التالي : لغة او ترجمه او ادب ؟ ايهم الافضل ؟ مو كلها مثل بعض ولا كيف ؟
يعني اللي اقصده اني اذا سجلت قسم اللغه الانجليزيه معناه يكون عندي خبره فيها كلها ؟ او انها تفرق عن بعض ؟؟؟؟
التعليم عن بعد فيه كلية آداب وكلية إدارة أعمال
يندرج تحت كلية الآداب عدة تخصصات ومنها اللغة الإنجليزية وعلم الإجتماع واللغة العربية والتاريخ والجغرافيا والدراسات الإسلامية

ويندرج تحت كلية إدارة الأعمال تخصص واحد وهو إدارة الأعمال (أعتقد إدارة عامة) وأتمنى الأخوان والأخوات يصححون لي بالنسبة للنقطة هذي!


* وكيف احمل الملازم والمحاضرات ؟ هل لها مقرر ثابت للجميع ولا تتغير كل سنه ؟
بالنسبة للمحاضرات يوجد 14 محاضرة (لكل مقرر) تنزل أسبوعيا في الخدمات الطلابية من خلال حسابك الخاص، تتضمن محتوى مكتوب وفيديو للمحاضرات وتسجيل صوتي إضافي ومحاضرات للجوال ومحاضرات مباشرة إضافية وفيه منتدى للحوار بين الطلاب والدكاتره وفيه واجبات وفيه منتدى رسمي خاص بالجامعة وعدد من المنتديات الاخرى واحسن منتدى بالعالم منتدانا هذا