|
رد: المواقف الحلوه ايام الاختبارات 1434ه
هههههههههههه مواققكم تحنن 
انا رح احكي مواقف يلي يلي بتذكرها
أول موقف مستحيييل أنساه في أمتحان الرياضيات كنت مركزة كتيييييييير و كانت الأسئلة بتجنن
و من كتر ما كنت مبسوطة ما كنت مسكره تمي من البسمة 
المهم انا مركزه و بطبيعتي بس أركز بحكي و انا بحل و حتى وانا بدرس بالبيت صرت احكي و اتناقش مع نفسي بالحل
و احكي هاد هيك و هاد هيك 
فجاءه حسيت في حدا فوق راسي 
رفعت راسي الا بشوف المراقبة فوق راسي بتطلع و بتضحك عليي ههههههههههههه
و مستنية اخلص من الحل لاوقع حرام كانت شفقانة ع حالتي
و وقعت 
و موقف تاني انو انا و رفقاتي يلي معي بنفس المستوى كنا نروح بنفس سيارة و نكون سوا 
قبل كل امتحان لازم نعمل سمفونية بكا بالسيارة
تتلوها سمفونية من الضحك الهستيري
اتوقع سواق كان يقول منه العوض و عليه العوض  عالهبل يلي كنا فيه
و بأخر امتحان يلي هون الأقتصاد الجزئي
طلعنا بكير و احنا مش مخلصين دراسة
لأن سواق مافيه ياخدنا بعد هيك و كنا من قبل عاملين عمليات بحث عالسواقين
و بالسيارة نضحك و نقول رازين حالنا بكير و احنا مش ماشين بالماده
بس الحمد لله عدت ع خير و ناجحين بأذن الله
و موقف أخير بتذكرو انو كنت قاعدة بأختبار الرياضيات كمان و نفس المرااقبة ناديتها بحكيلها لو سمتحي ممكن اغير مكاني ؟؟
ضحكت و بتسمت قالتلي ليش ههه ؟ قلتلها طاولة تحت و انا فوق ظهري وجعني هههههه
ضحكت و الله يسعدها غيرتلي مكان و ودتني لمكان مرييح
مواقف كتير بس هاد يلي بتذكرو
و تسلم عنجد يسلمو للطرح ضحكتوني و بسطتوني
يسلمو
|