2013- 6- 8
|
#119
|
|
متميزة بقسم اللغة الانجليزية
|
رد: المواقف الحلوه ايام الاختبارات 1434ه
تذكـرت موقف بس موب طريف شي يحـز في الخـاطر :(
كنت أجي أحياناً مبكر للأختبار فاأقعد أراجـع عـاد مره أبي أشتري عصير بس مـافي إلا برتقال الربيع مـاحبه ذا دوا   عاد أبي تفاح فسألت الفراشـة أو الفَرَاشـة  طبعاً هي كبيرة في العمـر عـاد مـاسمعتني شقول قالت آيش يـاعمري بوجـه سمح ولكنـه جيزانيـه أنـا ماأعرف لكنات أهل الجنوب والشمـال بس أبوي قبل ماأطلع يجلس يسولف مع السكيرتي اللي هو زوجهـا 
الزبدة أستغربت أسلوبهـا المرن عـادةً شوي الكبار يكونون حنونـات صح بس يمكن شوي عباراتهم خشنـه بحكم العيشه اللي عاشوهـا وكذا بس هـذي عسسسسسل من جد ذررربـه
عاد مره من المرات وأنـا أراجـع كنت قاعده قبالهـا وكـانوا كم بنت جـالسين معاي وهي كـانت جنب بسطتهـا يعني مقيصف بسيط نسكافيه ، حليب ، أندومي
إلا تجـي أبلـه بعد كبيرة في العمر موب شويه بس الراحـه مطلعتهـا كأنهـا أصغر من الفَرَاشـة تقول لهـا أم فلان "تقصد الفراشـة" شدعوا من دخلت المدرسـة وإلا أنصدم باالقواطي والأكياس المرميـه ليش مـانظفتي فلانه تقول أنش تعبانه
الفَرَاشـة تقول آيه والله ظهري وركبي أبد من أمس وحنـا نحوس ونظف مـابقينـا ولا خلينـا وجيت بنظف اللي برا بس أبو فلان "زوجهـا السكيرتي" مـارضى < لأن مدخل المدرسة يكون زي المكشوف تقريباً والسيارات اللي توصل البنات رايحـه جايه
إلا الأبلـة تقول آيه البنات أمس مسويين حفله الله يصلحهم بس مـايصير كذا الأكياس والقواطي وأنـا داخلـه من الفشله لو عندي كيس لميتهم ياالله قومي قومي وهي تأشر بيدهـا "كأنهـا تقول بلا دلع" لبسي عباتج ونظفي
الفَرَاشـة : أبشري من عيوني وتاخذ عباتهـا وتروح بعز الشمس
< شكلهـا ذي الأبلـة الأخصائيـة الأجتماعيـه ياغثهـا أسلوب صففففر أسلوبهـا مستفززز صراحـه لاحشيمـه للعمر ولا لنـا كأنها قاعده تكلم أصغر أحفادهـا
واقفـه لهـا عاالوحـده
تخيلوا مره جـايه تقول لهـا باالله هذا منظر ياأم فلان إلا أرفع راسي أبي أشوف شتقصد إلا يطلع السماط مـال الطاوله إللي حـاطه عليهـا البيـاعه
تقول عدليـه عدليـه ليش كـذا عفسـه
الله من الفرااااااااغـه روحي جلسي في مكتبج فاضييييييييه والله
|
|
التعديل الأخير تم بواسطة وزيرة ; 2013- 6- 8 الساعة 02:17 PM
|
|
|
|