ملتقى طلاب وطالبات جامعة الملك فيصل,جامعة الدمام - عرض مشاركة واحدة

وتحطمت احلامي ! · 2013- 6- 11

اقتباس:

المشاركة الأصلية كتبت بواسطة ابرار خانو

ألسلام عليكم
عساكم بخير ي رب
بنات التربية بسالكم التحضيري حقكم سهل ولا زي الآداب موووت ؟
هل تخصص رياض أطفال تحسون انه يحتاج لحفظ أو فهم أكثر ؟
وكيف صعوبته ؟

هل نسبة الرسوب كثيره أم قليله ؟

هل الدكاترة متعاونات ولالا ؟

وبتوفيق للجميع

وعليكم السلام حبيبتي ..
لا حبيبتي التحضيري حقنا مقارنة بالاداب موية , فيه مواد مشتركة بين الكليتين , مثل ( الاحصاء , التذوق الادبي ، ثقافة اسلامية ) بس المواد الباقية سهله وبسهوله تقدرين تجبين معدل زين , واذا انتي كنتي دارسه تحضيري بالاداب ماراح تعدين تحضيري بيسون لك معادلة مواد ويخصصونك والمواد اللي ما درستها بتاخذينها مع مواد التخصص
القسم مو صعب سهل فيه صعوبة في بعض المواد اللي تتكلم عن نظريات النمو عند الطفل , وباقي المواد تتكلم عن اشياء من واقع حياتنا اليومية مثل كيفية تربية الطفل , أو حقوق الطفل في الاسلام ، مشكلات الطفوله , وفي مواد عملية تتكلم عن كيفية عمل بعض الالعاب والمعجنون وكذا والالعاب المستخدمة في مرحلة رياض الاطفال , وطبعا في حفظ بس مو كل شيء في بعض الاشياء في المواد تحتاج حفظ مثل تواريخ أو نظرية و الباقي فهم من واقع حياتنا , مو لازم تذاكرين المواد يوم بيوم ولا لازم تحبين القسم علشان تمشين فية يعني أنا ما أحب هالتخصص وما اذاكر وافتح الكتاب الا قبل الاختبار بيوم ومع هذه ولله الحمد ماشية في التخصص ومعدلي زين , وحنا نظام الاسئلة في الكلية موضوعي واذا وجد في الاختبار مقالي يكون سوال واحد واغلبية الاحيان يكون علية 5 درجات , والنسبة المطلوبة لدخول التخصص تبدأ من 2 / إما بالنسبة للنسبة الرسوب فيه رسوب بس مو كبير مره , وبالنسبة للدكتورات فهم متعاونات معنا بشكل كبير جداً , وكمان يحاولون يدفون البنات بالدرجات قد ما يقدرون اذا كانت راح ترسب بالمادة
* اتمنى افدتك حبيبتي , واذا عندك اي استفسار انا موجوده , ربي يسعدك ,ويسهل لك آمرك , ويحقق لك اللي تتمنينه