الف مبروك نجاحكم وان شاءالله تقدمون الافضل والي تتمنوا في المستوى الثاني طبعا حابه انصحكم بعض النصايح ان شاءالله تفيدكم وتسهل عليكم المذاكره وترفع معدلكم
لاتعتمدون على اسئله السنوات السابقه خلوها لكم كااطلاع فقط وحولوا تحلون اسئله كل ماده باسلوب غير اسلوب الدكتور شي الثاني كل الملاحظات الي يذكرها الدكتور سواء في المحاضرات المسجله او المباشره ركزوا عليها اسئله الكتاب كثير مواد جت منها طبعا اذا بتمشون على نفس الخطه راح يكون افضل لكم
عندكم المحاسبه 2 اسهل بكثير من محاسبه 1 وسلسه بس تحتاج تركيز ومتابعه وحفظ للقوانين
الصحه واللياقه اذا نفس الدكتور المطر حاولوا تثقفون نفسكم بشكل عام من ناحية الامراض والاسعافات الاوليه مع مذاكره المحتوى والملزمه الي راح يحطها الدكتور
التقنيه 1ماده تحتاج تركيز خاصه على الجزء العملي والافضل تطبقون على الكمبيوتر
الانجليزي ركزوا على القواعد وعلى المحاضرات وعلى كلام الدكتور في المحاضرات المباشره واموركم ان شاءالله سهالات
العقيده والاخلاق الاسلاميه مايحتاج لمادتين أي مجهود لانها من واقع عقيدتنا و واتباع اخلاق الرسول عليه الصلاة والسلام
الاقتصاد الكلي اسهل بكثير من الاقتصاد الجزئي بس يحتاج متابعه وتركيز على المسائل والمنحيات
موفقين ان شاءالله