السلام عليكم ورحمه الله وبركاته ،،،
** أبارك للجميع النجاح وعقبال التخرج ان شاء الله وهاردلك لمن حمل اي ماده ومعوضين باذن الله
** ادخل لموضوع التظلم وعلشان مااحد يتامل على الفاضي حبيت اكتب هالموضوع وتعرف حقوقك وطرق الحصول عليها
اولا: ايقونه التظلم
وهي الي تفعلت بالخدمات الطلابيه وللاسف لن ينظر فيها الا للاخطاء الي هم عارفينها مسبقاً مثل طالب اخذ صفر بالاختبار او اخذ صفر بالمشاركات يعرفون فيه خطا ويعدلون له النتيجه
لان لو طالب ضلل رقمه الاكاديمي بالخطا وماتعرفو عليه رايح يسجله النظام صفر
وهؤلاء فقط الي يتم الاستجابه لتظلمهم
الثاني : طلب اعاده تصحيح نموذج ورقه الاختبار
وهذا هو التظلم الصحيح وهالشي مستحيل يتم من غير دفع رسوم ماليه مسبقاً وهالشي متعارف عليه باغلب الجامعات ماهو بس جامعه الملك فيصل
وتدفع رسوم ماليه في حاله طلع كلامك صحيح ولو بفرق ربع درجه يعاد لك المبلغ ويتم تغيير الدرجه بسجلك الاكاديمي
وفي حاله لاقدر الله النتيجه مثل ماهي مكتوبه عندك او اقل تروح عليك الرسوم
طبعا المبلغ مااعرفه ناس تقول بجامعتنا (300) ريال ولكن الي اعرفه بشكل عام الرسوم تكون (500) ريال
** طبعا انا في هالموضوع ماهو قصدي احطم احد ولكن قصدي اوضح لك حقوقك وعلشان ماتضيع وقتك بالامل والانتظار على الفاضي
الي متاكد من اجابته وواثق من نفسه يروح للجامعه ويطلب اعاده تصحيح نموذج الاختبار ، ورايح يتم اعاده تصحيح النموذج مره ثانيه ويخلونه يشوف الحل النموذجي الي مقدمه الدكتور ويقارن ويعرف نتيجته بنفسه
وياليت لو الجامعه ترجع تفعل درجه المشاركات نشوفها قبل اغلاقها والكل يقدر يصحح اخطاءه
واتمنى للجميع التوفيق يارب