كلكم يعلم بقصة بقرة اسرائيل مع النبي موسى عليه السلام ،، عندما أمرهم الله بذبح بقرة وكان أمر سهل جداً ،، ولكن أخذوا يسألوا ويدنفسوا ويصعبوا على انفسهم ما لونها ما شكلها ان البقر تشابه علينا ،، الى آخر القصة
في البداية الله يعين كل شخص قاموا الطلبة بالدعاء عليه ،، الله يعينه من جد
الحكمة من هذا الموضوع يا جماعة الخير ،،
موجهه للاخوان والاخوات اللي نكبوا الطلبة وبحثوا عن تغيير الأنظمة إما كانت بقصد أو غير قصد
1- الإختبار ،، ضاعت المحاضرات المباشرة ما بين يا دكتور نذاكر اختبارات الترم اللي راح ،، يا دكتور عندنا ملخص حق فلان نذاكره ،، يا دكتور بالله خل الاسئلة من المحتوى بس لان المحاضرات المسجلة ما نشوفها
2- نظام الاختبار ،، بدا يتحول الى مقالي من موضوعي ،، ونزل من سبعين الى خمسين ،، وكلها كانت باسباب من الطلبة
3- المواضيع اللي نزلت عن النسخ واللصق في المناقشات ،، وكل واحد يفضح اللي يشوفه ويصوره ويجي يعرضه لنا هنا ويتباها انه الحين العبقري اللي صنع شي واخترع شي وهو وهي ما يدرون انهم يحفرون لانفسهم قبل لا يحفرون لنا وبالاخير تغير النظام
4- موضوع شفته اليوم جديد يتكلم عن جبر النص في الدرجات ،، يعني يا جامعة لا عاد تجبري النص في رصد الدرجات نبي حقنا بدون زيادة ،، ولو النص هذا كان سبب في رسوبه لانهم ما عطوه كان قووم الجامعة وقعدها ليش ما تجبرون لي النص
وغيرها الكثير اللي ما تحضرني الحين
ولكن يا الربع اذا فيه نظام وضع من الجامعة ،، ولم يكن هناك داعي لتغييره ،، فلا تنبشوا وراه الله يرحم والديكم ،، ما ادري هو حسد والا نذاله والا كيف
الم يكفيكم ما جاءكم من دعاء من الناس اللي تضرروا من تغيير الانظمة
عموماً نتمنى مع بداية الترم الجديد اننا نهتم في دراستنا فقط ونترك عننا الدنفسه ،، لانه ما من وراها خير