2010- 4- 9
|
 |
أكـاديـمـي فـضـي
|
|
|
|
يارب يحفظ كل اللي داخل تخصص انجليزي . . أفيدوني أرجوكم . .
لآتقيدوآ احلامكمْ بكلمة [ مستحيلْ ]
فربمآ - تتحققْ !
دائمـا أضع هذه المقول نصب عيني وأمامي . . دائمـا أرى وأرسم مستقبلي في ذهني . وأراه كومة من السعادات بمجرد التفكير
فيه . أقضي وقتي وانا وحيده أفكر وأبني مستقبلي وهدفي وتخصصي وحيـاتي المستقبليـه . . دائما اكون متفائله وانا في أوّج
تعاستي . دائما أتفائـل بخيير والحمدلله كل شيء يتم ولله الحمد مثل مااتمنـاه . ..
ومستقبلي هو في الانجليزي . .ولا أنظر غيره أرى التشجيع من قبل الجميع وخـاصة والدي الله يطوّل بعمره . يغمرني بالسيديات
والكتب التعليميه . وقصص باللغه الانجليزي . أصبحت أطمح للانجليزي . ومن سادس ابتدائي وانا اقول انشالله بإذن الله راح أغامر
وأدخل انجليزي . أصبحت اشوف نفسي بهالتخصص والكل يقول انتي انجليزي مافي شك . الحمدلله أفهم الانجليزي واعشقه . .
لدرجة ان بالمدرسه متنّحـه بالمواد الا الانجليزي ماآخذ الا كـامل . . والى احين وانا ثالث ثانوي وانا اقول انجليزي بإذن الله ولو ماانقبلت فيه بانهارر
.كارثه بالنسبه لي Disaster  انا مؤمنه بقضاء الله وقدره وموّكله امري لله عز وجل . . ومتفائله بدعاء امي وابوي وانشالله ياربي مايخيّب ظني. . أذكر لما بدينا الترم الثاني هالسنه واول حصه انجليزي دخلت استاذتي الله يحفظها وتنادييني هههه
وبالأصح تنادي وبنفس الوقت تدورني وتقول ويين فلالانه وينها . انا استغربت قلت شفيها تبيني وكل البنات قالوا هنا هنا شويها جاتني وقالت انا حالفه انّي ابوسك, وجات و باستني البنات علامات الاستفهام مرسومه في وجههم وأولهم انا
. .قالوا البنات ليه تبوسينها قالت مشالله مشالله انتي الوحيده اللي تاخذين عندي كامل واجاباتك نموذجيه غير عن كل البنات .قالوا بنات وفلالالانه طيب (هذي الفلانه2 تاخذ التوب عالمدرسه الأولى مشالله وانا يادوب الخامسه عالفصل) قالت .
فلانه 2ممتازه بس فلانه 1 مشالله الله يحفظها متميزه بالانجليزي . . انا وجهيي انحاس صار احمرر . والله مااقول هذا تفاخرا والله والله هذا اللي صار وهذا اللي قالته . . من كلامها زااد حبي بالانجليزي وتعلّقي فيه . .
مفهومي بالانجليزي :تدخـل بعالم ممتع عالم مافي مثله , اذا كنت داخل التخصص متعه وعندك همّه عاليه في تعلمها
الله مابيخذلك واحسد صراحه اللي انقبلوا بالانجليززي وهم ماحطوه قدامهم . . اعتقد فهمتوني . .
انا ولله الحمد متفوقه في الانجليزي وآخذ الدرجات الكامله , الحمدللله واحب اشوف افلام اجنبية وكل شي يتعلّق بالانجليزي
الاغاني الاجنبية آخذها على جنب واحفظ كلماتها كتابة . واحب اقرى قصصص اجنبية ولا اطيق الروايات العربيه . يعني
بالعربي كل شي انجليزي في انجليزي .
بتقولون ليه هالكلام اللي ماله داعي وماوصلتوا للزبده . .  انا كلمتكم عن نفسي وقلت لكم انّي اعشق الانجليزي ويعلم الله
ان كل ليله اقوم الليل وادعي ربي ان الله يوفقني مع الانجليزي وانقبل بالكليه . . .
انا بالنسبه لكم كيف بالانجليزي . .؟؟ هل انشالله راح اتوفق فيه والا راح انحاس معه ؟؟ !!!
تحسوني بكون ممتازه فيه ايي نسيت اقول لكم انّي ابي ادخل ادب انجليزي .. .
وهل تحسون انّي باخذ درجه كويسه في اختبار الإجتياز وهل اللي دخل انجليييزي احين ويدرسسه . كان متفوق وياخذ الدرجات العاليه فيه . . كنتوا تحبون الانجليزي وتفهمون له يعني مثلا لو قالو اكتبو باراقراف عن شي معين تقدرون تكتبون لما كنتوا بثالث ثنوي . . اتمنى تفيدوني جعل ايديكم ماتمسها النار . . .
هل اختبار الاجتياز يعتمد على الفهم ولا قدرة الطالب على حفظ اكبر عدد من الكلمات . وجد اللي يقولونه ان تكتبين باراقراف عن شي معين مثلا عن التدخين او عن الماء واهميته في الحياة . . .
أفيدوني بلييز وآسفه عالمطوله
|