ملتقى طلاب وطالبات جامعة الملك فيصل,جامعة الدمام - عرض مشاركة واحدة

omjehaad · 2013- 6- 14

اقتباس:

المشاركة الأصلية كتبت بواسطة فتــــى مكـــه

بس بصراحه ياشباب خلونا واقعيين انا احس ان دراستنا اي كلام لاني اعرف طالب خريج انتظام لغه انجليزيه من احدى الجامعات السعوديه وهو الثالث على دفعته معدله 3,58 والاول على الدفعه معدله 3,72 طبعا من 4 وبصراحه هما دوافير وربي يتكلم بطلاقه وانا شايف الطلاب هنا اغلبهم فوق اربعه والبعض 4,95 مش معقول والله العظيم اني اعرف طالب ماعمره طبع او اشترى المذكرات يعتمد على الاسئله فقط واحيانا يروح الاختبار بدون مذاكره اطلاقا ومعدله 4,28 بصراحه انا احس الجامعه بتضيعنا بهالطريقه كل من هب ودب معدله ممتاز او جيدجدا مرتفع ليش الاسئله تتكرر بنفس الطريقه المفروض يكون فيه تغيير نوعا ما حتى ياخذ كل ذي حقا حقه ويكون فيه تنافس ولامانع من المساعده بس في حدود مشروعه طبعا هذي وجهة نظر فقط وقد يختلف الكثير معي والاختلاف لايفسد للود قضيه وانا احترم وجهة نظر ورأي كل واحد فيكم وللجميع فائق احترامي وتقديري

أخي الكريم أولا درجاتهم من 4 مو من 5 يعني في فرق
ثانيا اللي دخلو موضوعك ومعدلاتهم مرتفعة ينعدو على الأصابع أفتح موضوع تاني وشوف اللي معدلاتهم نازلة أضعاف مضاعفة
والانتظام برضه عندهم درجات للبحث ودرجات للإختبار النصفي يعني عندهم فرص زي فرصتنا وأكثر
ولعلمك اللي داخلين إنتظام إما مغصوب من الوالدين ولا علشان المكافئة بس مايمنع إنه في الكثير داخل رغبة في الدراسة والوظيفة
أما اللي داخلين إنتساب كلهم رغبة منهم في التعليم لسبب أو آخر مافي أحد يغصبهم بالعكس هم بيدفعو علشان يتعلمو وهذا سبب المذاكرة والإهتمام لأنه أغلبهم أباء وأمهات ورغم ضيق الوقت والمشاغل إلا إننا بنذاكر ونجتهد علشان نكون قدوة لأولادنا
فلا يوجد مقارنة بين الانتظام والانتساب الإنتظام أسهل بكثير غير توفر الوقت لأنهم صغار وماعندهم مشاغل وأنا درست إنتظام وكان مجهودي نصف مجهود الآن ولله الحمد طلعت الأولى على الدفعة بمعدل عالي وطبعا للظروف الخارجية تركنا الدراسة
طبعا مسألة تكرار الأسئلة من جد مضحكة أصلا ايش عرف الأساتذة إنه الأولاد العفاريت بيصورو النماذج لمن الموضوع فاحت ريحته خلاص بدئو يشددو وفي النهاية لازم تتكرر الأسئلة يعني حيجيبو أسئلة من خارج المنهج مثلا
وروح للإنتظام وقارن أسئلة السنوات الماضية وبعدين أحكم وبالتوفيق للجميع وأعتذر عن الإطالة