ابصم لك بالعشرة اذا هذا مستواك راح تمشين بالجامعه حلاوه
ماشاء الله تبارك الله
لاتفكرين كل واحد يدخل الانجليزي يعرف
الطلاب مستواهم وانا طبعا وياهم هههههههه يوميا تهزيء من الدكتور يقولنا مستواكم زفت
ولما سوى اول اختبار يووه شقولش بس قال درجاتكم ضعيفه وقعد يهزأ مع ان الاختبار سهل
اذا انك تجيبين العلامه الكامله في الثانوي ان شاء الله بتمشي
تطمني وهدي بالك وارتاحي صدقيني بتشوفين ان الانجليزي في البدايه سهل بس بعدين يصعب طبعا وراح تتعودين على الصعوبه وتكون وياك عاديه
اهم شي ان الانجليزي هو رغبتك ودامك راغبه في الشي بتوصلين له بإذن الله
بالنسبة لاختبار قبول الانجليزي انا لسه ماختبرت ولو حبيتي اول مااختبر اقولك عنه
فيه طلاب اختبرو وقالو ان فيه كلمات لاول مره يشوفونها بحياتهم يقولون كلمات كثيره جديده
لكن الدكتور انكر وقال ان كل الكلمات هي موجوده بالدراسه السابقه اللي هي الثانوي
يعني ارجح ان الاختبار يكون فيه كلمات جديده يعني لو عندك كم كافي من الكلمات ان شاء الله بتجتازين
ربي يوفقك وان شاء الله نشوفك داخله هالتخصص ومرتاحه منه