|
رد: الــشعــور الــيً تجــآهـكـَ حيــرً حــروف القــوافي.."مسـآحتكمً الشعرية"
يا قديم الغوص في بحر الهـوى
وش لقيت بغبة البحـر الغزيـر
علم الي جس شطـه وارتـوى
ما بعد جرب طويلـه والقصيـر
قالوا انه من جميع امر حـوى
فيه سر وفيه شر وفيـه خيـر
واسمع انه من ركب موجه دوى
من فعل موجه غريقه يستجيـر
واسمع انه من لمس شطه غوى
ما يفرق بيـن بحـره والغديـر
واسمع انه من على تركه نوى
يجذبه سحره ويرجع له كسيـر
لو تجرح فيـه قلبـه واكتـوى
ما يتوب ولا يريـح ويستخيـر
وش جمع حلوه على مره سـوا
هي حلاة الحب في الكأس المرير
رغبوني لين قلبـي لـه هـوى
وانذروني لين صدقـت النذيـر
خوفوني منـه والقلـب التـوى
راغب ومعيف والخايـف يجيـر
هو صحيح ان الهوى مالـه دوا
خبر الي جاك عانـي يستشيـر
|