العيد غربه .. والفرح ثـوب مشقـوق
يالمّة الخلاّن ... ياريحـة (( أمـي ))
من عـادة العاشـق يناجيـه معشـوق
وانـا التناجـي بيـن عينـي وفـمـي
النوم : حلـمٍ تطـرده لهفـة الشـوق
والوجـد بعروقـي يخـاويـه دمــي
واليوم مثل البـارح غـروب وشـروق
لمّـي ثمـار العمـر يــاروح لـمّـي
احدي هجوسي مثل من يحـدي النـوق
واحمـل عناقيـد النـدم وسـط كمـي
وارقب نجـوم الليـل بعيـون مخنـوق
والفجـر لا حولـي ولا هـو بيـمّـي
أمـاّ زمانـي ساقنـي للشقـا سـوق
أو زادنـي هـم ٍ علـى غيـر همـي
ثوبي جديدٍ .. ميـر ياعيـد مشقـوق
ياعيد : ما تسوى بلا.. ريحة (( أمي ))