وصّيـتْ قلبـي عليـك وفكـري وظنِّـي,, ان غبـت عنهـم عليـك عتابهـم هــادي
ما ودِّي تجـرح شعـورك كلمـةٍ منِّـي ,, وانته حياتي وعمري ومهجةْ فوادي
ودي تعيـش العمـر راضـي ومتهنِّـي ,, مرفـوع راسـك عليـك العـز متـبـادي
يـا تـاج راسـي وانـتـه مـنِّـي وعـنِّـي,, تـامـر وتنـهـي وامــرك أول الـبـادي
ياشوق روحي وقلبـي وقطعـةً منـي,, عتابك ألطف من النسمه على فوادي
مـا يجـرح القلـب الا غيبـتـك عـنـي ,, والا عتابـك يشـابـه طبـعـك الـهـادي
أنـا اهتنـي يـوم أشوفـك أنــت متهـنـي,, وأشوف نور الهنـا فـي طلتـك بـادي
ما يختلف فيك ضني يا حسن ضنـي ,, دايــم وفـيـاً مـعـي يــا وردة بــلادي
من كثر خوفي عليك الخوف يمحنّي ,, وافقد شعوري واشوفك غاية مرادي
ان غاب صوتك أناجي الليل واونِّـي ,, واتخيِّـلـك واتـذكّــر هـامــةْ بـــلادي
مديـون لـك بالغـلا والحـب مشجنِّـي ,, يـا مستحـل الفـواد العاشـق الـغـادي
من يشبهك في البشر يا ذوقي وفنِّـي,, يا راحتي وبسمتي وموتي وميـلادي
لا تخافِ مني ومن قلبـي إذا ونـي,, أكيـد مشتـاق لـك يـا غايـة مـرادي
ما يتعب القلب غيـر الشـوق لكنـي,, أصبّره بالقصيد وصوتـك الشـادي
أنا أحبك وحبـك مـن صغـر سنـي,, ما بالغ أن قلت لك من يوم ميلادي
أكبـر ويكبـر غـلاك اللـي مجنـنـي ,, غصباً عن عيون حسادك وحسادي
لا توصي القلب لي بالشـوق متعنـي,, مـا دمـت أحبـك عتابـه مهـو بعـادي
عـتـاب قلـبـك عـلـى حـبـك يطمـنـي ,, خـلـه يعـاتـب أنــا سلـمـتـه فـــوادي
ياشوق روحي وقلبـي وقطعـةً منـي ,, عتابك ألطف من النسمه على فوادي
مـا يجـرح القلـب الا غيبـتـك عـنـي ,, والا عتابـك يشـابـه طبـعـك الـهـادي
كلمات الشاعره مطلع الشمس
راقت لي ,,