2013- 6- 23
|
#495
|
|
صديقة كلية إدارة الأعمال
|
رد: لو الدلع يكتب كـتب بـ إسم { نصرون } ..!
تطبيقي لأحد الدروس 
دايم اسوي فيها اني المدرسة وانتوا الطلاب
اللحين عكست الايه وصرت طالبه وجالسة بالصف الاول كمان 
وصرت انط على الدروس واطبق < بسم الله علي مدري من متى انا منتازة 
طبعًا النص مسروق من اللي برسل له تنبيه 
على طاري اني منتازة وكذا اتذكر بأول ابتدائي اول ضربه تلقيتها من ابلة مزنة 
صفتنا ورى بعض وتسمع لنا الدرس وكانت وراي وحده اسمها ايمان وكانت تسأل الابله
ماذا يفعل الانسان بعد الرياضه يوم جيت اجاوب غششتني ايمان قالت بإذني يتروش
وعاد وقتها كان عندي ذمة وضمير مابي اجاوب بالغش حتى لو عارفه الاجابه واحد غششني ما اجاوب
موب اللحين استغفر الله العظيم 
وتنتحت ولا جاوبت وايمان توز بإذني يتروش يتروش يتروش وانا اسوي نفسي ما اسمعها
قالت لي ابله مزنة خليك واقفه على السبورة يوم خلصت من البنات تمسك الدفتر
وتمر علينا وحده وحده وتحط صفر قدامنا وعطتني كم ضربه بالمسطرة على يدي
يومها رجعت البيت فرحانه الابلة عطتني صفر من عشرة < ماكنت ادري وش يعني هههههههههه
اليوم اذكر امي وتضحك علي وتذكرني بشكلي وقتها كيف كنت انقز واوقع وانا ابشرها ههههههههههههههه
يوم طلعت ثاني كنت ابكي اذا نقصتني درجه
اخذت بالمطالعه 99 وزعلت لاني حاله كل شيء صح واختي عندها خطأ اخذت 100
ولين اللحين وانا متأكده انهم ملخبطين حتى هي تقول انا المفروض انقص وانتي تاخذين الدرجه الكامله
طبعًأ ما كان عندنا حركات الدلع والتقويم المستمر .. كان وضعنا مثل الثانوي اختبارات شهرية واختبارات نهائية
يازين اول بس 
|
|
التعديل الأخير تم بواسطة Dr. nsroon ; 2013- 6- 23 الساعة 02:11 PM
|
|
|
|