ياحبـي اللـي بيـن بيـض الغنـاديـر .. لك في عروش القلـب قـدر وقيمـه
ان كـان صـدك ماخـذك عنـي لغيـر .. روّح ولـو ان الخسايـر وخيـمـه
وان كانهـا عنـي خـذتـك المقـاديـر .. فالعفـو عنـد المقـدره فيـه شيمـه
يامرحبـا والـحـب كـلـه معـاذيـر .. تشفـع لـك ايـام الغـرام القديمـه
يـوم الهـوى لازارنـي منـك أعصيـر .. أضم في صدري من اجلـك نسيمـه
واليوم اصبـر خاطـر الوجـد تصبيـر .. واقول صدك عقب وصلـك جريمـه
ولاجـاك منـي ياهـوى البـال تقصيـر .. مواقـفـي ويــاك والله عظيـمـه
صخرت لك مشاعـر الشـوق تصخيـر .. وامطرتـك بحبـن تقـفـاه ديـمـه
وظللتـك بجفنـي وصـارت مسافـيـر .. يـوم الغـلا بيـن النديـم ونديـمـه
واليـوم ماتنـفـع كثـيـر المحـاذيـر .. تفاغمـت بيـن النفـوس الحشيمـه
عسى سنينـك روض عشـب ونواويـر .. محـد لنفسـه يرتضـي بالهزيـمـه
امـا تخاوينـي علـى الشـر والخـيـر .. والا السلامـه منـك راس الغنيمـه