.
.
كل ٍ بيغـــلي حبيب ٍ لــه..على قدّه
وانا جمعـت الغلا من كل ّ مغلينه
يصدّ عني .. وانا ارحّب بـهالصدّه
دام انـه ْيصدّ ناوي يرجع فـ حينه
اشـــبّـهه بالبَحَر في جـزره و مَدّه
واعطى البَحَر ملحه وْلاطالب فـ دَينه
جايز نلاقي رمال الشط ّ منعدّه ؟
لكن ّ خلِّي .. عجزت احصي مجانينه
أدري بشوقي من اوّل واصلٍ حَدّه
اليوم .. ما عاد شوقي يندرى وينه
أرسلت قلبي يشوفه .. مير ما رَدّه
قلت ارسل الروح تسكن في شرايينه