بالظلام الذي يستر تباريح الكنين
لا انتثر من فليل الليل مجدول الغياب

يفضحه صبح ما يرحم من الرغبه جنين
ترضّعه نزوة أمً مارجت عُظم الثواب

يذبح الحلم حزنً ما رحم يتم البنين
وبنت فرحي وأدها حيةً وسط التراب

الصغير الذي يقرا عن الكذب المُهين
مل من قصةً ٍ يقرا بها جوع السراب

يا براءة طفوله مالقت منهو يعين
ينثر الورد حلمً ملته صفحة كتاب

ياسهر ضافني وقلّطت له دمعً مَعين
ينتظر جود غيمً يلمح الغايب شهاب

ياعطايا زمانً ما لقى لمثلي مُعين
يا هدايا ليالي عضة المحراب ناب

يا تباريح وجدً باوسط ضلوعي دفين
حرته وسط عيني تنزف دموع وعذاب

اشرب اغبون عمرً ما رويته من سنين
واثري اشرب هماج ولا تحريت الصواب

ياالشقا اصلنا نرجع على مايً وطين
وشتبي بحلق منهو ماروى عذب الشراب

الفضا شال من جرحي تباريح وانين
والسما صاحت بدمعً على خد السحاب

صدقي اللي لقى له من سواد الوقت حين
الهقاوي بياضً حال من دونه ضباب

افرش القهر وردً يسال الغيّاب مين
ويقطع الشوق وصلً كان لورودي عقاب