إسمك اللّي بقى غصـّـة .. بحلق الكلام ** آسف إن عِفتني .. وآسف .. إن إشتقت لك !
للحنين الصور .. ولأحزان قلبي .. سلام ** اللّي ضاقت بك الدنيا ويتحمـّـلك !
كلّ ما هبـّـت الذكرى .. وطار الحمام ** آتنهـّـد .. وأفكّ زراري .. وآحنّ لك !
إنت .. لو مالك فقلبي الكبير إحترام ** كان ما طاحت الدمعة وأنا أتخيـّـلك !
وإنت .. سخـّـرت لك عمري رضى وإهتمام ** كنت خايف عليك أكثر من الحاجة لك !!
وإنت .. رتـّـبت عذر فراقنا .. قبل عام ** وقتها .. ماتت أحلامي .. ولا قلت لك !
رغم هذا الحزن فيني .. عليّ الحرام ** أذكرك وأدعي "ياجعلي ما أذوق زْعلك" !
فات ما فات من جرح وعتاب وملام ** ومدري أهملتني ؟ ولاّ القدر ما أمهلك !!
ودّي آروح وأتوسـّـد يد أمـّـي وأنام ** يالحبيب .. وأنا ميـّـت قهر .. بسألك !
وش بقى للمشاعر ؟! وش بقى للكلام ؟! ** وإنت كرّهتني قربك .. وأنا بأوّلك ؟!!
كان غيري معه شوق وحنين وغرام ** لو عطى ربع ممـّـا أعطيت .. يستاهلك !!
وإفترقنا .. وفي صدري حمامة سلام ** الله يبيح ما جا منْك ويحلـّـ .. لك !!