العـَـبره اللّي لها يومين تخنقني ** خذيت منها على مـَـرّ الزمن .. عـِـبره !
أفرح لـِـيا بان .. وأحزَن لا سلى عنـّـي ** إلين ماصرت .. في دُوْر الهوى .. خـِـبره !
تامرني أنساك ؟!! .. بأنسى .. ويش يمنعني ؟!! ** لكن إلى جيت في بالي .. وش الدِبره ؟!!
خذيتني .. رايق وداله ومتهنـّـي ** ورميتني شاعرٍ .. ساهر على حبره !
الله حسيبك .. على الضـِـيقة معوّدني ** يا كاسر الخاطر اللّي .. شوفتك .. جَبره !
تطلب وأنفـّـذ .. وأبي قربك وتجهلني ** كنـّـي طلبتك .. تحـَـفـْـر البير بالإبرة !!
تقول : يامكرِم القيفان تخدعني ** وأقول : بُعدك كِفنْه .. وغيرته .. قبره !
طيفك .. على صدّك وبُعدك .. مصبـّـرني ** لو كان طيفك يشيل القلب من صبره !
أمهلـْـتِني للزمن .. والوقت .. مِهمِلني ** ياحرّ كبدي على حاجات منثبره !
واللّي سرق بالي .. وحيـّـره وأشغلني ** طاريك لا مرّ !! .. وش دخـّـله بالنبره ؟!!
موج الغلا .. يمّ سـِـيف الشوق .. يدفعني ** ياقِرْد حظـّـي معَ شفـّـي .. وياغبْره !
إليـا طلبته .. يقول : آسف وفارِقني ** اللّي معَ مايعلّ النفس .. ياكبره !!
ولاّ أنت .. يا "حزبة الظامي" .. معذّبني ** متى نصادف طريقٍ نلتقي عـَـبـْـره ؟!!
أبتـّـصل فيك ! .. لا .. مانيب مـِـتـَـعـَـنـّـي ** أخاف لا قلت "ألو" .. تخنقني العـَـبره !!
.
.