ياصافي القلب هرج الناس مساحه

يمسح اعقول العوارف لين يفنيها

لاترتجي من حثاريب الحكي راحه

ابعد وخل السوارح في مفاليها

ناساً سواليفها بأسلوب مزاحه

ماينعرف كذبها من صدق افاهيها

ورى وقدام كنها فوق مرجاحه

مشرماةٍ على الدبكات اذانيها

في غيبة الرجل بالنمات نباحه

تلهث وياوسع حلم ارواحنا فيها

الوقت هذا الصبر قفله ومفتاحه

مهبلاً فالرخى كبرت علابيها

ان راح لاحه وكانه مقبلاً لاحه

مع هبة النود تاضح لك مراسيها

والقلب مافاده الصبر وتسماحه

همه على قمةٍ لاسج يبديها

اببتعد عن خراب الهرج واملاحه

واسلي النفس لو الهم مشقيها

شوف الفياض الخضر والذود وامراحه

ونسايماً تبعد الضيقه وتمحيها

ومع شقة النور صوت اطيور صداحه

والقلب هذا من الزفره يلاحيها

في ذمتي تشفي المحزون واجراحه

وتعيش في عالماً قلت بلاويها

ابسعد العمر قبل ايحين مرواحه

مادامت الفانيه هي وملاهيها

قدامي الشيب وأوساده وطراحه

عاجز عن المشي يالدنيا وماضيها

ولاانفنى قبل ذاك الوقت وارياحه

ولاادري عن النفس وش وست امانيها

العمر مره لكن الراحه اشحاحه

صدفه تزين ابكرمها في لياليها

لازانت ابشر بزين الحظ وارباحه

وابشر ببعد الهموم وحر لاظيها

للشاعر // هياف السبيعي