راح الزمان اللي عليه المضامين

ولى وقفى وما بقى غير ضيقه

ضاعت حقايقنا على شوفة العين

راح الرعد والبرق ولع بريقه

الكل يمشي والحكايا ملايين

كل يقول امشي بفعل السليقه

والمرجله ماهي كلامٍ وتدوين

وماهي سوالف عن شقيق وشقيقه

المرجله وقفات ما شفتها الحين

الكل يلهث في خطاوي رشيقه

كل على ليلاه غنى المواويل

يجمع له الأموال وهذي حقيقه

وين المجالس نفتقدها الى الحين

ناس تجمعهم سوالف عتيقه

ماهو مثل يومك حديثها شين

وياما تفرق عن صديق وصديقه

والناس الوانٍ وتلقى بها الزين

هو مختلط عالم وتبقى الحقيقه


.. م ..