.
.
وشفيك ياورد البساتين زعلان ** لك تضرب اللّي زعل الورد .. حِمـّـا !
مايدري إنّ الورد مزروع من شان ** يشفي قلوبٍ ضمـّـها الحزن ضمـّـا !
ويعالج اللّي لآخر الليل سهران ** بين الهواجيس التي ما تسمـّـا !
تعال سيبك من حكي فلان وفلان ** بعض البشر ياخوك مافيه دمـّـا !
يسقيك بلسانه إذا كنت ضميان ** وقلبه يطشـّـر من خباثته سِمـّـا !
ومن يتبع هروج المخاليق غلطان ** يصبح ويمسي بين سبٍّ وذمـّـا !
ياصاحبي خذها نصيحه من إنسان ** حَبـّـك على وضح النقا حُبّ جمـّـا !
وشاف البشر من دون نقص وحقران ** وقلبه من طعون البلاوي تدمـّـا !
دنياك هذي فيها أشكال والوان ** طنـّـش ترا من يتبعه .. مات همـّـا !