.
.
أموت من فرقاك .. وآموت بلقاك ** وآموت من جورك .. وأموت بحنانك !
كلٍّ قضاه يموت مرّة .. ويفداك ** وأنا .. أموت .. ألفين مرّة .. عشانك !
أذكرْك لا منـّـي .. نسيت إنـّـي أنساك ** وأنساك لا منـّـي .. ذِكـَـرْت نسيانك !
رضيت أنا بالهمّ .. لرضاك ما أرضاك ** وأرخصت لك قلبٍ .. جرحتـَـه وصانك !
أجيك في صدري عتابٍ .. وأبجفاك ** وأرجع ألوم الوقت .. وآقول : خانك !
أحبّ فيك .. إحساسي إنـّـي بلا ماك ** في عزّ خوفي منك .. أحسّ بأمانك !
عجزت أفرّق بين .. وصلك وفرقاك ** ياللّي عطيت الناس بيدك .. عنانك !
مـَـرٍّ تجيني .. لين أقول إنـّـي إيـّـاك ** و مـَـرٍّ تروح بعيد .. وأنسى أوانك !
أقبـِـل و تقفي .. وأعتذر عن خطاياك ** وآقول ما عيـّـيت .. عيـّـا زمانك !
وإن خانتك دنياك أو خنت دنياك ** إرجع و تلقا .. بي .. مكانك .. مكانك !!
.
.