|
احسب انه بنت يوم اقبل يهوس
احسب انه بنت يوم اقبل يهوس
حاشر ثوبه ويلبس له كعب
ريحة اطيابه كما ريحة العروس
والشعر منثور لله العجب
يلمع المكياج فى وجه النعوس
لاترك لحيه ولا خلا شنب
والخواتم عشر فوق عشره لبوس
وفوق صدره شفت سلسال الذهب
يمضغ اللبان مابين الضروس
ويتغنج ماعليه من العرب
ناقصه شيله واسميه العنوس
وباقى اوصافه على عز الطلب
ماعرفت انه سنافى ومحروس
لين شفت الناس تعنيه وهرب
اه لو اقدر على ضرب البقوس
كان اعلم فاقد الذوق الادب
كان اوضح له بالرجوله دروس
وافرغ الشحنات شحنات الغضب
ودي اقطع دابر اضعاف النفوس
قبل تعدي مجتمعنا بالجرب
|