السلام عليكم
أخواني واخواتي انا سجلت بجامعة طيبة منتظمة وكانت الرغبات إدارة أعمال
وللأسف اليوم لقيت قبلوني تخصص عربي وانا ما ابي هالقسم ومافي غير تاريخ او عربي او دراسات اسلامية وقالولي لازم تدرسي سنة وبعدين تحولي وانا ما ابي لانها غير مضمونة وحصلت مع صديقاتي قبلي قلولهم ادرسو سنة بعدين تقدرو تحولو اذا جبتو معدل وجابو المعدل المطلوب ووقت الجد قالو مافي مكان في اكتفاء وخيروهم بنفس الاقسام
سؤالي جزآكم الله كل خير
ابي اسجل في جامعة الملك فيصل عن بعد إدارة أعمال وانا من المدينة المنورة هل في اختبار مناطق يعني الاختبار يكون بالمدينة
والسؤال الثاني هل تقبلني جامعة الملك فيصل ونسبتي الموزونة الثلاثية 83.765
والثانوي المعدل التراكمي العام 96.55 وقسمي ادبي
والسؤال الثالث ايش اعمل اسحب ملفي من جامعة طيبة واسجل بجامعة الملك فيصل عن بعد لاني قرأت موعد التسجيل عن بعد يبدأ 12/9/1434 .
ايش اعمل بالضبط الله يوفقكم دلوني اعمل ايه