2013- 7- 7
|
#4
|
|
أكـاديـمـي فـعّـال
|
رد: طالبه جديده
الله يوفقكم ويسهل عليكم يارب
اول شي اللبس اخذي راحتك تنوره سوده وكحليه ورصاصي عاادي والبلايز اي شي بس الشفاف والكات
اما المواد حقت تحضيري عندكم
بالمستوى الاول
الثقافه الاسلاميه : ماده شبه ثقيله بس كلامها مفهوم الله يعينكم عليها
فقه السيره : مره حلو كله قصص الرسول بس يبي له مذاكره اول باول
التحرير العربي: تعتمد عليكك اذا تحبين العربي ولا انا مااطيقها الالف الممدوده وشلتها
النحو التطبيقي(1) :ي سااتر نحو مايحتاج اعرف عنه بس لازم تنجحون فيه عشان تاخذون مادتين بالمستوى الثاني النحو التطبيقي (2) وقراءه ومحادثه
اللغه انجليزي عامه : برضو مايحتاج تعريف بس لازم تنجحون فيه عشان يفتحون لكم مواد المستوى الثاني انجليزي (قراءه) وانجليزي ( كتابه )
مبادئ الاداره : ماده تخقق وتجنن مره شرحه استغلوها برفع المعدل
مهارات التعلم والتفكير : برضو ماده حلوه وهذي بعد استغلوها برفع المعدل
مدخل الى تقنية المعلومات: ماده حلوه حاسب بس يبي لها تركيز ولازم تنجحون فيها عشان المستوى الثاني تفتح لكم مادة البرامج المكتبيه
الصحه واللياقه: ماده حلوه يمكن فيها ثقاله بس بعد فيها خفه
__________________________________________________ _________________
المستوى الثاني
عندكم مادةة
التلاوه والتجويد: مره حلوه حفظ قران يمكن احكام التجويد تخربط بس برضوو خفيفه
النحو التطبيقي (2): نحو مايحتاج تعريف
التذوق الادبي :ماده تنبسطين بدراستها شعراء واشعارهم وحياتهم بس وقت الاختبار ياساتر ماابي اخوفكم بس مره ثقيله ويبي لها تركيز
القراءه والمحادثه : مابعد خذتها بس البنات يقولون انها تعتمد على القراءه بس وبسيطه
انجليزي(قراءه):تعتمد على الحفظ درجه اولى لانه كله كلمات وتحفظين معناها
انجليزي (كتابه): يعتمد على الكتابه والقواعد بالكتابه
مبادى علم الاجتماع:ماده حلوه وممتعه في كثير مايحبونها بس انا اشوفها رائعه وفيها صعوبه شوي
برامج الحاسب المكتبيه:ماده حلوه تعتمد على برامج الكمبيوتر البوير بونت والاكسل والوورد مره مسليه وكلها عملي
مبادئ الاحصاء : ي ساتر رياضيات الوسيط والمنوال وشلته انا عن نفسي مااطيقه في بنات يحبونه 
__________________________________________________ ___________
بس هذي مواد تحضيري
بس بخصوص مقررات مبادى الاداره ومهارات التعلم التفكير في بنات يفتحونهم لهم المستوى الاول ويخلون لهم المستوى الثاني مبادى علم اجتماع و مبادى الاحصاء
وفي بنات عكس المستوى الاول ياخذون مبادى علم اجتماع ومبادى الاحصاء والمستوى الثاني ياخذون مبادى الاداره ومهاارات التعلم والتفكير
__________________________________________________ ______________________
اما المباني عندكم مبنى 61 و 62 و 63 و 64 و 65
هذول مباني الي فيهم الكلاس العادي
اما الابراج 66 و67و 68 الي فيهم المدرجات
__________________________________________________ _________-
في برضو عندنا مبنى اللواكر تستئجرون لوكر السنه ب 100 وتحطون اغراضكم وكل وحده بلوكر واذا صادوك مع خويتك غرامه
__________________________________________________ __
جوالات كاميرا ممنوع  الله يسلم الكشاف
__________________________________________________ ______
ملاحظه
الخوياات والصديقات اتفقو كلكم بشعبه وحده عشان الراحه النفسيه   لانو لو كل وحده بشعبه يعني كل وحده بكلاس طوول الترم الاول
__________________________________________________ ________________________
واذا في شي استفسروو وماراح نقصر
|
|
|
|
|
|