|
رد: نتائج تربية الموهوبين
السلام عليكم ورحمة الله وبركاته
انا اليوم ذهبت للجامعه وخصوصا لكليه التربيه ولدراسات العليا
طبعا اول شي رحت للكليه وتوجهت للقسم التربيه الخاصه وقابلت اثنين دكاتره مصرين واحد كان اسمه الزيوت او مدري شسمه بس مو متاكد من الاسم المهم حصلت الغرفه مفتوحه واثنينهم جالسين منشغلين في اوراق مدري وشو ..المهم بعد السلام استفسرت وقلت لهم ان التربيه الخاصه والموهوبين ماطلعت نتائجهم قالي انت جاتك رساله قلت لا ماجاتني قالي يعني ماتم قبولك قلت كيف ماتم قبولي وماطلع لي في الاستفسار عن النتيجه ان ماتم قبولي قالي ايش طلع لك قلت له قيد الدراسه بعدين قلت له متاكد انكم ارسلتوا رسائل عاد اهو خاف وسال الدكتور الي بجنبه وقال مادري المهم قالي رح حق واحد اداري ورحت والغرفه مغلقه وبعدين رحت للعميد وماهو بموجود وكل ما اروح لاحد ماعنده علم .
عاد قلت خلني اروح الدرسات العليا
المهم انا حافظ المكاتب هناك خبره  المهم رحت للعميد مباشره وحصلت السكرتير حقه وقلت له عن الموضوع وان احنا تعبنا واحنا ننتظر وبكره اخر يوم مطابقه اوراق وكذا قالي اي ادري (حسيت الرجال عنده فكره عن الموضوع)وقال مو بس الموهوبين والتربيه الخاصه قالي في قسم بعد ثالث معكم وقالي ترقبوا هالاسبوعين وقالي يا بتكون نهايه هذا الاسبوع يا الاسبوع القادم في بدايته ..وسالته قلت له هل كلامك هذا توقع او اكيد قال اكيد اكيد قلت خلاص مشكور وبننتظر .
|