|
رد: تعالي انصحي المستجدات بأي شيء (لبس،ميكاب،صداقات،دراسة) أو إي شي
,’
هلااا وغلاااا بكل المقبولات الجميلات في كليتنا  
بتكلم عن تجربتي بالكليه
اول مادخلت الكليه ماحبيتها ابدا  وجلست متأزمه منها فتره لين دخلت بجوها
الشاهد ان اول ماتدخلين ممكن ماتروق لك لانها غير عن نظام المدرسه تماماً عشان كذا انتي
لا تتازمين ابدا بالعكس حاولي تستكشفينها وتحبينها
بالنسبه للصداقات بالكليه
لا تستعجلين بصداقاتك وتدورين لك أي كلام عشان مسمى " صديقه " لا تمهلي واعرفي البنت كويس لان الصديق ياثر اكيد اختاري صديقه طيبه وتعاونك على الخير 
اما بالنسبه للبس
خلي لبسك نعوم للصبح وابعدي عن الالوان اللي ترهش وتلمع 
ونفس الشي الميك اب خليه نعوم وبسيط عشان تكون طلتك فرش على الصبح
اما الدراسه تختلف طبعا عن المدرسه 
انتي مسؤوله عن نفسك يعني اذا عندك واجب ماحد بيذكرك انتي لازم تتذكرينه وتسلمينه بالوقت المحدد لك 
كمان المحاضرات احرصي ماتتاخرين عليها وتنتبهين لمواعيدها وبالكليه موفرين ساعات رقميه بكل ممر 
طبعا لكل ماده مجموعه من المهام حاولي تنجزين كل شي اول باول عشان مايتراكم عليك وتتوهقين
ولا تستهرين وتهملين وتلعبين عشان ماينزل معدلك لتحت ال2 ويجيك انذارات مالها داعي 
طبعا ثرثرتي واجد بس حبيت اقدم هالنصايح وربي يووووووووفقكم ياااارب
|