2013- 7- 12
|
 |
أكـاديـمـي فـعّـال
|
|
|
|
القـريـــــــــــــــــــهـ
القـريـــــــــــــــــــهـ
القريه اللي ضمت قلوب الأحبــــاب
تصبــح وتمســي والــسلام ايعمـرها
كان الظـــلام بليلهــا حـــيل جــــذاب
يوم النجــــــوم مشربكــه مع قمــرها
صارت مدينه واهلها صـارو أغراب
صارت عجوز..الشيب غطى نحرها
مريتها مشتـــاق لعنـــاق الأصــحاب
مريتهـــــا شفقـــان اداعب زهـــرهـا
مريتهــــا والنبض في خـافـقــي ذاب
كني غريب ما شــرب من نهـرهــــا
شفت الخريف معلــق بصدر الأبواب
والريــح جفـف كل غصـن بشجـرهـا
الورد ذابـل في مكــــانـه بلا اسبــاب
وحتى الحمـام اللي عرفتـــه هجــرها
وين الفرح وشفيــه عن وجهها غـاب
وين الربيــــع اللي بعطــره غمـرهــا
غمضت عيني اشبك أهداب بـ/اهداب
حتى أشـــوف بنــون عيني صـورها
علمي بهـا طفلـه ،على راس مرقاب
يلعـب على لحــن الربــابـه شعــرهـا
علمي بها هـــيل ومعاميــل واطناب
من طيـب اهلهـــا ما يثـمـن قـدرهــا
علمي بها يـوم المســا فيه الأقـــراب
يلمهــم صــوت النجــر في سهـرهــا
ودي أقــول الوقـت كـذاب ... كـذاب
بس الحقيــقــــه عـــذرنا ما ستـرهــا
الدرب موحش والقرايب غدو اجناب
ليش النفــوس اتغــيرت وش دمرهــا
هذا السؤال اللي سطا بروح منصـاب
وين الجواب اللي يـداوي كـدرها ؟؟؟
|