مصفوقه .. فيه شي اسمه "تحدي" .. اكتشفت التحدي مع الناس وراه مشاكل وجع راس ... فقلت ليه ماتحداني .. : يعني ليه ماتحدى نفسي .. اجل لو تعرفين التحدي الجاي وش بتقولين .. يالله اعصري مخس يمكن يطلع شي ولا شي ..
صمت ... يسلمس ربي........ الحلو مايطلع الا من حلوو
وبعدين قايلس منذ مبطي انا مووو شااااعر ...
اسمعي ابكتب موضوع تتعلمين منه انواع الشعر .. شلون تكتبين وبيعني الله انزله ولو اني مشغول حدي..والفايده للجميع..
يقول اهل الشعر : اذا بغيت توزن القصيد تغن فيه وعليها تمشي الابيات الثانيه على نفس الوزن واذا صعب عليس ... تكتبين بيت وتوزنين البيوت الثانيه عليه بالحركات الاساسيه ...الكسره والضمه والفتحه والسكون والشده
يعني :
خليت في راس الشفيشف مظنه ... خلي عليه الذيب والطير حايم
كل حرف عليه حركه كسره سكون ضمه فتحه وبس والشده هي حرفين مع بعض يعني تفكهن ...
تخيلي كل حركه لها رمز الفتحه 5 الضمه 3 الكسره 2 السكون 1 يصير البيت ترتيبه
5 2 2 1 12 55 1 <<< هذي حركات كلمة خليت في راس .. علشان ماطول
البيت الثاني لازم يكون على نفس الوزن
يعني فتحه كسره كسره سكون كسره سكون فتحه فتحه سكون
وانتي ماشيه بعض الاوقات تصعب عليس بس فوتي شوي وهذا الي يسوي لحن في وزن القصيده
فهمتوا شي ؟؟؟
ادري صعبه ... ادري مو ناقصين محاااضرات .. هاهاها <<< اخس ياد.غسان
لمزيد من المعلومات روحوا اشتروا كتاب وزن القاوافي ولا وزن القصائد ولا دبروا حالكم ...