|
رد: معلومات عن كلية الأمير سلطان العسكرية للعلوم الصحية بالظهران
صبر صبر اخذ نفس عميق عشان اشرح لكم معناتاي بالكليه :bngo12:
انا من خريجات الكليه الجميله التعيسه الفاشله
اول مادخلنا مساكين مافيه ولا فتاه بالكليه بس احنا نتمشى وماحلنا لعبنا فيها لعب اول سنه :وكانت بس بيبا هي المسؤله علينا 
المهم جاء وقت التخصص ...طبعا احنا 9 ومتحسفين يفتحون قسمين لنا :011: كانت الاغلبيه تبي نظم معلومات صحيه على حسب الي كان منشور بالجريده وعلى اساسه دخلنا ...المهم قالو لنا لالا صحه فم والاسنان احسن لكم والوظايف مظمووووووونه ميه ميه حطو الف خط تحت مزمووووونه 
المهم عدينا ومشينا وتخرجنا والحمد الله
جاء وقت التطبيق ..ومادراك مالتطبيق ...مافيه مكان لنا بالمستشفيات : احنا بدينا نكره الكليه حبه حبه :011: المهم ماطبقنا الا بعد شهر وطبعا كل و حده جابت واسطه عشان طبق هههههههه ياحليلهم كليتنا كله شغل واسطات ترى :........المهم طبقنا طبقا الراتب كان 900 ريال مثل ايام الدراسه ...ودوام وكرف من 8 لين 4 وماله داعي اقولكم ان الشغل كله فوق رسنا
يعني 5 بيشنت ورى بعض وانا زي الميكنه مسكينه قلنا يالبنت معليش تاخذين خبره عشان تشوفين حالات كثيررره 
المهم تخرجنا وخلصنا ولله الحمد ...جاء وقت التخرج حفله التخرج ياعالم احنا اول دفعه حسو فينا شوي
قالو لا لا انتم شوين خلوكم مع الدفعه الجايه هههههههههههههههههههههه
المهم لنا سنه كامله بالبيت ومافيش وظايف نكلمهم نرسل خطابات كلها بالجدار:bngo12:
قلنا ستوب نقدم على مستشفيات ثانيه
رحنا ولا ننصدم مو معترف فينا  :طبعا عذرهم مافيه مزانيييييييييييييييه
ترى اكيد كلامي مليان اخطاء
توني اشوف المنتدى وبروح انام
:( فتكو بعافيه
والله يعينا ويعينكم يارب
|