تسأليني كيف قضيت السنين
كيف حالي صار من بعد الغياب
تسأليني وانتي اللي تعرفين
كم تعذب خافقي لجلك و ذاب
بين هم وغم وأشواق وحنين
وذكريات عذبتني واغتراب
صرت في دنياي محروم وحزين
ضاعت أحلامي وضيعت الصواب
يا عذاب الروح قولي وش تبين
ما يطيب الجرح والله يا عذاب
دام قلبك ما يحن وما يلين
و دام صار الحب في عيني سراب
آه يا كثر المواجع و الأنين
آه يا كثر الملامة والعتاب
يا عذابي لو بغيتي تسألين
ناظري حالي وتلقين الجواب