المشاركة الأصلية كتبت بواسطة موظف بالصحه

الله يسلمك ...

ماتحضرني الان ارقام الشقق بس من الشقق اللي شفتها واعجبتني ...

بآخر طريق الرياض وانت داخل للهفوف وقبل لوحة ( جامعة الملك فيصل يمين ) تحصل شقق اسمها الماسم تجيك على اليمين واضحة نظيفة وفيها كامل الخدمات اللي تتوقعها من انترنت ومواقف سيارات خاصه وغيره بس سعرها عالي شوي 280 ريال او حولها نسيت والله للغرفة وصالة ومطبخ ودورة مياه وانتم بكرامه وانصح فيها للي جاي مع زوجته او للعوائل بشكل عام وموقعها حلو وقريب من الجامعة تقريباً ...

بأول طريق قطر واذا خليت الجامعة على يمينك وعديت الاشارة ودخلت بطريق قطر تجيك شقق كثيره على اليمين انصح فيها وممتازة للعوائل والعزاب واسعارها تتفاوت مابين 120-200 ريال ...

أنا سكنت بالبستان للوحدات السكنية ( ارقامهم 035894027 - 035894037 ) 130 ريال غرفة وصالة وهو بطريق قطر ونفس الوصف السابق بس راح تجيك اشارة ثانية تعديها ويجيك على اليمين وبنفس العمارة راح تحصل محل بــاتــشي الشقق نظيفة واسعارها معقوله وافكر اغير الشقه اليوم ان شاء الله لوحده شفتها بطريق الرياض ممتازة نسيت اسمها الحقيقه حصلتها بـ 150 ريال وسبب التغيير لان بيت صديق لي قريب من هالشقه ولزم علي ونشب لي اني اخذها على شان يجيب لي الفطور والسحور والشاهي والقهوه كل يوم ( يلوموني بأهل الأحساء ) سبق وان سويت فيه نفس الحركه بالرياض ويبي يردها لي